-Таны биеийн эсэргүүцэл сул юм байна. Ер нь ямар нэг суурь өвчтэй хүн өвчин тусахаараа амархан хүндэрдэг. Тийм болохоор биеэ хэрхэн чийрэгжүүлэх талаар зөвлөе. Оройдоо халуун аарц эсвэл сонгино, саримстай шөл уух нь уушигны хууч дахихаас сэргийлнэ. Зундаа наранд биеэ шарж, усаар чийрэгжүүлэх хэрэгтэй. Намар айраг цагаа уу. Дархлаа дэмжих бэлдмэл хэрэглэж болно. Ханиад хүндэрсэн үед цэгэн иллэг тустай. Унтахын өмнө гурван өдөр дараалан аяга халуун сүү уу. Эсвэл гурван өдөр дараалан аяга халуун аарц ууж болно. Хэрэв та сармистай шөлөөр өөрийгөө эмнэхээр шийдсэн бол өдөрт нэг удаа сармистай халуун шөл ууж хөлрөх хэрэгтэй. Мөн өдөрт гурван удаа аньсны навчны ханд уух нь нэмэртэй. Өдөрт найман удаа хамартаа гавар түрхэхээ мартав. Халуун усанд хөлөө дүрэх арга ч байдаг. Унтахын өмнө энэ аргыг хэрэглээрэй. Долоо хоногийн турш өдөрт нэг ширхэг А витамин уусан ч болно. Хамартаа интерферон дусаах юм уу миксагрипп өдөрт дөрвийг уух арга ч бий. Халуурвал парацетмол уухад гаж нөлөө багатай. Хамгийн сайн арга нь утлага хийх. Эдгээрээс хоёроос гурван аргыг л хэрэглэхэд хангалттай.

-Манай хүүхэд хоёр настай хамраас нь үргэлж цус гарах юм. Энэ ямар учиртай юм бол?

-Хүүхдийн хамраас цус гарах нь хэт халууцах, хамраа хуруугаар ухаж салстыг гэмтээх, элэгний болон судасны эмзэгшил зэрэг хэд хэдэн шалтгаанаас болдог. Хэрэв таны хүүхдийн хамраас цус гараад удвал цус багадах эрсдэл бий болно. Тийм учраас эдгээр шалтгааны алин болохыг тодруулж эмчилгээ хийлгэх хэрэгтэй. Эхний хоёр шалтгааны үед эм хэрэглэх шаардлагагүй. Харин элэгний юм уу цусны өвчнөөс шалтгаалан цус гарч байгаа бол эмчлүүлээрэй. Онош тодруулахын тулд цусны дэлгэрэнгүй болон биохимийн шинжилгээ өгөхийг зөвлөе.

-Хатгаа авсанаас хойш амархан хөлөрдөг болчихлоо. Жаахан хөдлөхөөр л хөлс гарчих юм. Ямар учиртай юм бол?
-Амархан хөлрөхийг эмнэлгийн хэлээр астеновегетативный синдром гэдэг. Энэ нь энгийн үгээр хэлбэл ядаргаа гэсэн үг. Агаар эмчилгээ тустай. Нийлэг хувцас өмсч болохгүй. Хөвөн даавуу хувцас өмсөх, агаарт явах,чанартай сайн хоол идвэл хөлрөх нь аяндаа гайгүй болно. Бас усан засал үр дүнтэй.

Ходоод өвдөх үед яах вэ?
Шалтгаан нь олон яанз л даа. Юуны өмнө өвчин намдаахын тухайд бол баралгин ууна. Ношпа эсвэл гастробомат сайн. Насигель эсвэл алмагель мөн байхуу цай уух сайн. Энэтхэгийн улаан давс ходоодны хорыг авч өвчин намдаадаг. Шархтай, хавдартай биш бол бүлээн жин муугүй болохыг сануулах юун.

Даралт ихтэй хүмүүс ямар хоолны дэглэм сахих вэ?

Эмчилгээний хоол №10-ыг хэрэглэнэ. Энэ нь цусны эргэлтийн эрхтний хэвийн ажиллагааг хангах зорилготой давс багатай кали, магнигаар баялаг хоол юм. Хоолны найрлага нь уураг 85-90гр, өөх тос 75-80гр, нүүрс ус 350-400 гр, давс 6-7 гр байна. Хоногийн хоолны илчлэг 2600-2700 ккалори болно. Зїрх судасны архаг өвчтэй хїн бараан мах, сүү, ээдэм, лууван, хар чавга, ургамлын тос, төрөл бүрийн ногоо жимс, будааг хэрэглэж болно. Хоолыг усанд буюу ууранд жигнэж давсгүй бэлтгэнэ. Махыг усанд буцалгасны дараа дутуу шарж болно. Давстай өтгөн цай ууж болохгүй. Цусны эргэлтийн дутмагшлын үед магни ихтэй лууван кали ихтэй хар чавга, үзэм зэргийг зонхилон хэрэглэх нь ашигтай.

Шүдний өвчинг амархан дарчих арга байна уу?

Зөвхөн өвчин намдаах тухайд тїр зуурын арга бий боловч энэ нь танд төгс тус болохгїй учраас та маргааш өглөө нь заавал шїдний эмчид очих ёстой. Шїдний өвчин гол төлөв шөнөөр хүнийг зовоодог. Yүнийг зөвхөн зовлонгий нь үзсэн хүн л мэднэ. Эхлээд та амидоприн ууж, аналгин зуугаад үз. Тус болохгїй бол 2%-ын новокайныг өвдөж байгаа шүднийхээ буйл руу хийж болох юм. Тариа хийх хүнгүй бол эмийн сайн руу явж Платоновын №1 ба №2 уусмалыг авах хэрэгтэй болно. Эхний уусмалын найрлаганд дикаин 0,05, фенол пури 1,0, нэрмэл ус 3,0 агуулагдана. Дараагийн уусмалд дикаин 0,05, 95%-ийн спирт ба хлорформ адилхан 1,0 грамм агуулагдана. Дээрх хоёр уусмалыг ижил хэмжээтэй хольж өвдөж байгаа шүднийхээ харлаад байгаа хэсгийг 3-5 минут арчихад шїдний өвчин тїр зуур намжина. Yүнд таавширч болохгүй өвдсөн шүдээ эмчлүүлэх хэрэгтэй.

Элэг цөсний архаг өвчний үед хориглох хоол унд, хөдөлгөөний дэглэмийн талаар…

Элэг цөсний архаг өвчний үед гахайн мах, хонины өөх, тосонд чанасан боов, пиво, өнгөтэй чихэр, хүнсний будагтай хоол хүнс, хийжүүлсэн ундаа, шоколад, торт, шарсан төмс, даршилсан ногоо, халуун ногоо, кетчуп, бусад хурц халуун чанарын сүмс, кофе зэрэг хоол хїнсний зүйлийг хориглодог. Хөдөлгөөний тухайд доргих, алхаар юм цохих, донслох, цохигдох, халуун наранд шарах, уул хадаав явах, харайж үсрэхийг хатуу хориглодог. Юм оёж бие эвхэн удаан суухыг бас хориглоно.