Онлайн дэлгүүр нээх болсонтой холбогдуулж Монголын Мэдээлэл Харилцаа Технологийн Газар www.olloo.mn сайттай хамтран Монголд онлайн худалдааг хөгжүүлэхэд учирч буй бэрхшээлийг тодорхойлж, түүнийг хэрхэн зөв шийдэх талаар төр засаг болоод бизнесийн байгууллагуудын дуу хоолойг сонсож, нүүр тулсан чөлөөт ярилцлага өрнүүлэх зорилгоор Монгол дахь онлайн худалдааны орчин сэдэвт семинарыг өнөөдөр Их тэнгэр цогцолборт зохион байгуулах гэж байна.

Семинарт Засгийн газар болон УИХ-ын гишүүд, Мэдээлэл харилцаа холбооны холбогдох нэр бүхий газрууд, томоохон их дэлгүүр, бөөний төв сүлжээ, үндэсний үйлдвэрлэгчдийн төлөөлөгчид оролцох юм.
Бид онлайн худалдаанд бэлэн байна уу, Онлайн худалдаа монголд ямар түвшинд байгааг үнэлж цэгнэх, энэ асар том бизнесийн орон зайг энэ салбарынхан хэрхэн ойлгож байгааг сонсох, цаашид хэрхэн хамтран ажиллах талаар Ерөнхий сайд Ц.Элбэгдорж болон холбогдох мэргэжлийн хүмүүс илтгэл тавьж санал бодлоо солилцох юм.

Онлайн дэлгүүрийг нээснээр Монгол улсад худалдаа үйлчилгээний шинэ орчин, шинэ зах зээлийг бий болгож бизнесийнхэн шудрага өрсөлдөх нэгэн үүд хаалга нээгдэж байгаа бөгөөд ялангуяа бараа бүтээгдэхүүнээ хаана хэрхэн яаж зарж борлуулах вэ гэж байнга санаа зовж явдаг бизнес эрхлэгчидэд шинэ гарц болж байгаа юм.

www.olloo.mn сайт нь 2004 оны зургаан сараас эхлэн үйл ажиллагаагаа эхэлсэн бөгөөд интернэт хэрэглэгчид болон алслагдсан хот хөдөө, харь нутагт байгаа элэг нэгтнүүддээ электрон хэвлэлээр өдөр бүр шинэ мэдээ мэдээллийг хүргэж, интернэт хэрэглэгчдийн оюуны төдийгүй ахуйн хэрэглээг хангаж хүмүүсийн интернэтийн хэрэглээг өргөжүүлэн аль болох өргөн хүрээг хамрахыг зорьж байгаан зэрэгцээ Top Sites санал асуулгаар байнга тэргүүлсээр байгаа монголын хамгийн олон зочидтой сайт учраас тус сайтын дэлгүүрээрээр үйлчлүүлэх хүн их байх нь дамжигггүй юм.
www.olloo.mn нь нийгэм цаг үеийн мэдээ мэдээлэл, урлаг соёл, уран зохиол, спорт, вэбийн сан, цаг агаар, амралт чөлөөт цаг, мр3-архив, зурхай, онигоо, гэр бүл, эрүүл мэнд, гоо сайхан, хууль эрх зүйн зөвөлгөө түүнчлэн санал асуулга, зургийн цомог, сонжоо, зар сурталчилгаа, хэлэлцүүлэг, fm-радио, мэндчилгээ бүхий булантай монгол хүмүүсийн оюуны хэрэгцээ шаардлагыг хангахуйц өргөн хүрээг хамарсан сайт юм.
Өөрөөр хэлбэл мэдээллийн баялаг сан, агуулгын өргөн хүрээ, цогц үйлчилгээг тус сайтаас мэдрэх болно.