Нэгдмэл гүн ухаан ба шинжлэх ухааны салбаруудын нэгдэл сэдэвт уг симфозиумд 20-иод орны 50 гаруй эрдэмтэн, филосифич оролцсон аж.
Хүн төрөлхтний амгалан оршихуйг бий болгоход эрдэмтдийн оролцоог нэмэгдүүлэх шаардлага дэлхий дахинаа бий боллоо. Шинжлэх ухааны салбарууд салан тусгаарлах биш нэгдсэнээрээ илүү амжилтад хүрнэ. Өөр тив, улсад амьдардаг ч нэг ертөнцийн хүмүүс ижил юм гэсэн санааг симфозиумд оролцсон төлөөлөгчид ярилцжээ.
Манай улсыг төлөөлж Монгол мэдлэгийн их сургуулийн захирал Л.Дашням оролцсон байна. Ирэх жил уг симфозиумыг Монголд зохион явуулахаар болжээ. Уламжлалт монгол сэтгэлгээ, шашны зан үйлийн ойлголтууд хүнийг амгалан амьдрал руу хөтөлдөг. Энэ утгаараа Монголд болох симфозиум нь хүн төрөлхтний амгалан оршихуйд нэмэр хандив болох юм байна.
(өнөөдөр 2004.12.08 285)