Энэхүү нэр хүндтэй хөтөлбөрт Монголоос 2003 онд УИХ-ын дэд дарга С.Оюун, 2004 онд УИХ-ын гишүүн асан Х.Хулан нар оролцож байсан ажээ.
Эйзенхауэрийн нэрэмжит хөтөлбөр нь дэлхийн 25 орноос улс орныхоо нийгмийн хөгжил дэвшилд хувь нэмрээ оруулж чадахуйц ирээдүйтэй, чадварлаг удирдагчдыг сонгож хоёр сарын хугацаанд АНУ-ын нэр хүндтэй байгууллага, хувь хүмүүстэй уулзуулан, туршлагаас нь суралцах боломж олгодог. 1954 онд эхэлсэн энэ хөтөлбөрт 30 жилийн өмнө нэгэн авьяаслаг залуу оролцож байсан нь одоо Туркийн
Ерөнхийлөгч болсон аж.
Эйзенхауэрийн тэтгэлэгт хөтөлбөр нь даяарчлагдсан дэлхий ертөнцийн олон орны залуу удирдагчдад ардчилал, энх тайвны төлөөх тэмцэл, үйл ажиллагаандаа гайхамшигтай туршлага хуримтлуулах алтан боломж юм гэж АНУ-ын Ерөнхийлөгч, уг хөтөлбөрийн удирдах зөвлөлийн дарга асан Жорж Буш хэлжээ.
(өнөөдөр 2004.12.08 285)