Хуулийн энэ заалтад Албан тушаалаа урвуулан ашигласан гэдэг үндэслэлийг тодорхой зүйлчилсэн байдаг аж. Туе хэлтсийн нэгэн ажилтнаас энэ тухай тодруулах гэсэн боловч Мөрдөн байцаалт ид явагдаж байгаа тул тодорхой мэдээлэл өгөх боломжгүй. Монголбанкны ерөнхийлөгчийг албан тушаалаа урвуулан ашигласан гэдгээс өөр хэд хэдэн асуудлаар шалгаж байгаа гэв. Өөр нэгэн эх сурвалжийн өгүүлснээр, О.Чулуунбатыг улсын их хэмжээний хөрөнгө шамшигдуулсан хэмээн сэжиглэж байгаа гэнэ. Чухам ямар хэрэг үйлдсэн талаар цагдаагийнхан тун ам хатуутай байлаа.
-ОХУ-ын нэгэн хувийн банкинд байршуулсан арван сая ам.долларын асуудлыг шалгаж байгаа юу гэхэд
-Шалгаж байгаа. Шалга-хаас өөр зам байхгүй. Тэр чинь улсын хөрөнгө шүү дээ.
-Тэгээд яасан бэ, мөнгийг буцааж авсан уу?
-Тодорхой мэдээлэл өгөх арай болоогүй байна. Ний нуугүй хэлэхэд, тэр арван сая ам.доллар олдохоосоо өнгөрсөн байх гэлээ.
(өнөөдөр 2004.12.08 285)