Хадам эх мөнхийн өрсөлдөгч мөн үү?

Дурлалын сонгодог гурвалжин мэт.
Дарангуйлагч хадам эх, цөхрөнгөө барсан бэр, яахаа мэдэхээ байсан ээжийн хүү.
Ийм нөхцөл байдал бэр бүсгүйд хамгийн хүнд тусдаг. Бэр өөрөө ямар ч ааштай байсан хадамтайгаа тулаад нэмэргүй, ялагдана, яагаад гэвэл түүнд хамтрагч, хамсаатан байхгүй. Ийм нөхрийн хувьд ээж нь хорвоогийн сайн, хамгийн ухаантай, хамгийн сайхан, ер нь төгс эмэгтэй. Нэг ч хүүхэн түүнтэй эн зэрэгцэхгүй. Ийм эрчүүд голдуу хүүхэдтэй болох гэж л гэрлэдэг, учир нь түүнд өөр хэн ч хэрэггүй. Дарангуйлагч хадам эх бэрдээ таагүй хандаж, юм л бол ахуйн аар саар асуудлаар өөнтөглөдөг, харин нөхөр нь эхийнхээ амыг л дагадаг, эрхшээлд нь байдаг. Тэгэхээр ийм гэр бүлд удалгүй сүйрэх тавилантай.

Хүүгийнхээ гэр бүлийг хэрхэн аврах тухай хадамд өгөх зөвлөгөө
1.Хүү чинь эхнэрээ хайрлах тусам хүү та хоёрын харилцаа хавьгүй сайжирна гэдгийг та ойлгох ёстой. Ийм хүүгийн хайр сөрөг талтай, тэр эхийн хайраас хамааралтай, үүнийгээ үзэн ядаж эхэлнэ. Нэгэн сайхан өдөр таны хүү зүрх сэтгэлийг тань шархлуулна.
2.Гэр бүлийн амьдралаа илэн далангуй ярь гэж хүүгээсээ бүү шаард. Бэрээ хүүдээ муулж болохгүй, хэзээ ч түүнийг шүүмжилж болохгүй.
3.Гэрийн ажил мэдэхгүй гэж бэрдээ бүү уурла. Та түүнийг өрсөлдөгч биш харин охиноо гэж бодож сураарай.
Хэрхэн нөхрөө алдахгүй, өөрөө ч зовохгүй байх тухай бэрд өгөх зөвлөгөө
1.Хадам эх чинь хүүгээ халамжлах гэвэл бүү уралд, энэ эрхийг түүнд өгчих
2.Нөхрийнхөө дэргэд хадмаа бүү муул, асар их тэвчээртэй, бодлоготой хянуур бай, асуудлыг нөхрийнхөө ар нуруугаар бус ил тод шийд.
3.Гэр бүлийн маргаанд нөхрөө оролцуулахыг хичээ. Өөрийн гэсэн үзэл бодолтой болоход нь тусал. Түүний өөрөө гаргасан шийдвэрийг хөхүүлэн дэмж, өөртөө итгэхэд нь түүнд тусал.
Хөөрхий хадам, харгис бэр, муу хүү
Иймэрхүү гэр бүл нилээд байдаг. Эхнэр нөхөр хоёр эвтэй сайхан амьдардаг, харин хадам хүүгээ харамлан биеэ барьж чаддаггүй. Тэр хүүдээ хүчтэй нөлөөлж чадахгүй тул өөрийгөө хөөрхий, ядарсан зовсон, хаягдсан эх гэж харуулахыг хичээдэг. Залуу хос цуг амралтанд явах гэхээр хадам гэнэт өвдөнө, хүү юун далай руу явж амрах өвдсөн эхээ сахих хэрэгтэй болдог. Эх нь нэг ёсондоо өвчнөөр айлган сүрдүүлж байна. Хэрэв хүү тоглоомын дүрмийг баримтлахгүй бол их муу хүү болдог, улмаар бэр хадамдаа дургүйцэж, уурлана. Яваандаа эхнэр нь Нэг бол би эсвэл эх чинь гэж тулган шаардах тул гэр бүл салж сарнихын ирмэг дээр хүрч очно.

Хэрхэн аз жаргалтай болох тухай хадамд өгөх зөвлөгөө
1.Та худлаа өвчилж хүүгээ айлгаснаар түүний дургүйцэл, уцаарыг хүргэнэ. Тэр ёстой учраас биш харин хайрт, ухаалаг мэргэн эхдээ хайртай учраас дотно харьцаатай байх.
2.Та хүүгээсээ анхаарал халамж шаардахын оронд түүний гэр бүлд илүү анхаарал тавь, аль болох тусалж, тэдний аз жаргалд үнэн сэтгэлээсээ баярлаж яв.
3.Хэрэв танай хүүг хайрлаж байгаа бол, хэрэв таны хүү хайрлах чадвартай бол та сайн хүн өсгөж хүмүүжүүлжээ. Тэгэхээр түүний хайр танд ч бас хүрэлцэнэ.

Хадмаа хэрхэн ойлгож, тэвчих тухай бэрд өгөх зөвлөгөө
1.Зөвхөн ганц та нөхөртөө хайртай байх эрхтэй биш, эх нь ч ийм эрхтэй гэдгийг санаж яв.
2.Хадмынхаа эерэг талуудыг олж хар. Түүнийг үзэн ядах биш харин бараг өрөвдмөөр байгаа биз? Түүнийг өрөвд хайрла, нөхөр та хоёрын харилцааг өөрчлөх хүч чадал түүнд үгүй.
3.Хадмынхаа гаргаж буй ааш авирт хошин маягаар ханд, түүнтэй харьцах харьцаа зөвхөн нөхрийн хэрэг гэж бүү бод. Хань нөхөртэйгээ хамт хадмаа номхотгох арга хэмжээ аваарай.