UB раlасе-ийн концертын их танхимд болсон13 дахь удаагийн энэхүү тэмцээнд оролцохоор нийт 200 орчим бүсгүй бүртгүүлжээ. Гэхдээ тэднээс шалгарсан зөвхөн 29 гоо бүсгүй л тайзан дээр гарах эрх авч, үзэгчид болон шүүгч-дийн өмнө гоо үзэсгэлэн, авьяас, ухаан мэдлэгээрээ өрсөлдсөн юм.
Концертын их танхимд үзэгчид олон байлаа. Тайз заслыг хийхдээ цагаан өнгийг голлуулсан байх бөгөөд үзэгчдийн суудлын дундуур урт тайз засжээ. Уг урт тайзны үзүүрт фото аппарат, камер сэлтээ агссан гэрэл зурагчид, телевизийнхэн тухалсан байв. Мөн загвар өмсөгчдийг бэлтгэдэг зарим төвийн багш нар загвар өмсөгч охидоо дагуулан ирчихээд үзэг цаас бэлдэн тэмдэглэл хөтөлж харагдана билээ.
17.00 цагаас гэж зарлагд-сан уралдаан монгол уламж-лалт ёс оо даган 18 цагт эхэлж, үндэсний хувцастай гоо бүсгүйчүүд тайзан дээр хоёр хоёроороо гарч ирлээ.
Тэмцээнд оролцсон гоо бүсгүйчүүд үндэсний, гоёлын, ажил хэрэгч, уены хувцастай гэсэн төрлөөр янз бүрийн чамин хээнцэр, энгийн хувцастай тайзан дээр гарч өрсөлдсөн. Ажил хэрэгч хувцасны төрөлд гэхэд сувилагч, аялал жуулчлалын компанийн үйлчлэгч, оффис менежер зэрэг хувцсаар гоёсон бүсгүйчүүд өмссөн хувцасныхаа утга учир, өнгэ, ач холбогдлыг тодруулан танилцуулсан юм. Харин үзэгчдийн сонирхлыг их татдаг уены хувцастай үзуүлбэрт бүгд ижил төрлийн уены хувцастай гарч ирсэн нь чухам хэн хамгийн сайхан бие хаатай вэ вэ гэдгийг тодруулахад шүүгч, үээгчдэд дөхөм байсан болов уу. Үзгээр бичишгүй, үгээр хэлшгүй гэдэг шиг л тэрхүү гоо бүегүйчүүдийн гоо сайхныг үзэглэн бичиж чадахгүй учир хүлцэе.
Энэ удаагийн тэмцээнийг зохион байгуулалцахад Монголын үндэсний худалдаа аж үйлдвэрийн танхимын дэргэдэх Аялал жуулчлалын зөвлөл багагүй үүрэгтэй оролцжээ. Тиим ч болохоор МҮХАҮТ-ын орлогч дарга Янсанжав тэмцээнийг нээж үг хэлэхдээ гоо бүсгүйчүүдээрээ дамжуулж гадаадын улс оронд эх орноо сурталчлах, ингэснээрээ аялал жуулчлалыг тодорхой хэмжээгээр нэмэгдүүлэх боломжтой гэж тэмцээний гол зорилгыг онцолж байсан. Мэн гоо бүс-гүйчүүдийг байгаль эх дэлхийг хайрлан хамгаалах үйлсэд татан оролцуулах бод-лого цаашдаа явагдах бололтой санагдсан. Яагаад гэхээр шүүгчдийн бүрэл-дэхүүнд Богд уулын дархан цаазат газрын захиргааны төлөөлөгч хүртэл багтеан байсан учир ийн бодоход хүргэсэн юм. Бас асуулт… Тэмцээн дээр жижиг са-жиг алдаануудаас гадна асуулт хариултын тэмцээний үсэр үзэгчид хошин шоу тоглолт үзэж буй мэт л үе үе нир хийж байлаа. Асуултууд нь Ус гол мөрөн гэж юу вэ, ус нь хүний амьдралыг тэтгэдэг гэдэгт итгэдэг үү, Тал түймэр гарах нь их байна энэ юунаас үүдэлтэй гэж бодов байна, Мод гэж юу вэ, ямар хэрэгтэй вэ, Цөлжилттэй тэмцэхэд юу хэрэгтэй вэ гээд л бүгд л байгаль орчны сэдэвтэй асуулт байлаа. Танин мэдэхүйн ч гэмээр шинж-тэй энэ асуултуудад зарим гоо бүсгүйчүүд маань түг таг хийж байсан. Нэг гоо бүегүй бүүр Талыг гэнэт алд-санаас… гээд л чимээгүй болсон нь үзэгчдийн элгийг хөшөөх шахсан. Харин тэмцээнийг хөтлөгч Н.Ганхуягийн бүегүйчүүдээ дэмжие гэж учирлан гуйснаас хойш үээгчдийн инээд цөөрнө билээ.
Тайзны хоёр талын дэлгэцээр гарах дүрс нь тун муу аж. Энэхүү дэлгэцээр бүсгүйчүүдийн ямар авьяастайг харуулсан бичлэгийг байсхийгээд л үзүүлж байлаа. Ямар нэгэн клубт авсан бололтой уг бичлэгийг маш муу хийснээс заримдаа авьяасаа үзүүлж байгаа гоо бүегүй маань чухам юу хийгээд байгаа нь харагдахгүй байсан юм.
Энэ удаагийн тэмцээний шинэлэг санаа гэвэл брэнд сурталчлах үзүүлбэр байсан гэж хэлж болно. Тэмцээнд оролцсон бүх гоо бүсгүй тэмцээний ерөнхий ивээн тэтгэгч Рantene-ийг сурталчлан Пантини хэмээх зохиомжилсон бүжгийг бүжиглэн үсээ намируулцгаасан. Мөн Түшиг косметикийн оруулж ирсэн Elazabete Arden-ий сүрчиг, үнэртэй усыг цацан гайхшруулж, Мон Фрэш-ийн Есүхэй жүүс, Өэлүн сүүг үндэсний хувцастайгаар рек-ламдеан нь үэзгчдэд ихээр таалагдана билээ.
Miss Mongolia уралдааны үзэгчдийг хөгжөөхөөр Хүүхдийн ордны дэргэдэх Аялгуу, Авьяас чуулгын хүүхдүүд бүжиг бүжин, дуу дуулж, Номин талст, Нюанс хамтлагууд ая дуугаа өргөснийг дурдах нь зүй.
Ингээд тэмцээний дүнг гаргаж уламжлал ёсоор Есөн эрдэнийн бүегүйг шалгаруулахад Алтан эрдэнийн өргөмжлөл буюу монголын миссээр Урлах эрдэм дээд сургуулийн нэгдүгээр дамжааны оюутан А.Сарнай шалгарч өргөмжлөгдсөн юм. Харин Мөнгөн эрдэнийн миссээр Эрүүл мэндийн шинжлэх ухааны их сургуулийн гуравдугаар дамжааны оюутан Д.Учралт, Зэс эрдэнийн миссээр ОУХДС Д.Уянга нар шалгарлаа.

С.СОДБААТАР

Энэ оны сайхан бүсгүй буюу Монголын миссээр тодорсон Амарын Сарнайтай хийсэн ярилцлагыг толилуулж байна.

-Юуны өмнө Монголын сайхан бүсгүйгээр шалгарсанд баяр хүргэе!
-Баярлалаа.
-Манай уншигчдад өөрийгөө танилцуулахгүй юу?
-Намайг Амарын Сарнай гэдэг. Одоо Соёл-Эрдэм дээд сургуулийн нэгдүгээр дамжааны оюутан. Экологи хамгаалал, аялал жуулчлалын чиглэлээр суралцаж байгаа.
-Аав, ээж нь юу хийдэг вэ?
-Би ээж, дүү хоёртойгоо амьдардаг. Ээж маань Ус суваг ашиглалтын газар ажилладаг. Дүү охин маань хоёрдугаар ангид сурдаг.
Сайхан бүсгүйн тэмцээнд оролцох саналыг ээж маань тавьсан л даа. Эхлээд очиж бүртгүүлээд шалгарсан. Шалгарсан 29 бүсгүй хоёр сарын хугацаанд тэмцээндээ бэлтгэсэн.
-Өмнө нь тайзан дээр гарч байв уу. Эсвэл анх удаа юу?
-Анх удаа тайзан дээр олны өмнө гарч байгаа маань энэ. Нэлээн сандарч байсан. Гэхдээ баяртай байна.
-Өрсөлдөгч бүсгүйчүүдээ хэр мэдэрч байв?
-Хоёр сарын бэлтгэл, тэмцээний явцад бид их дотнос-сон л доо. Саин найзууд болцгоосон. Бүгд л их гоё охид байсан.
-Энэ надаас илүү баина даа гэсэн болгоомжлол төрөх ус байх юм уу?
-Тиим юм байгаагүй ээ. Бүгд л жигдхэн байсан шүү. Гэхдээ би өөртөө их итгэлтэй байсан. Сэтгэл санаагаа ч маш их бэлтгэсэн.
-Өөрийгөө мисс болж байна гэж өмнө нь төсөөлж байсан уу?
-Мисс болно гэдэг эмэгтэй хүн, хүүхэд бүрийн мөрөөдөл байдаг л даа. Багадаа мисс болох юмсан гэж их мөрөөддөг байсан. Харин өнөөдөр мөрөөдөл маань биеллээ.
-Тэгвэл мөрөөдөл бодит байдал хоёрын хооронд хэр ялгаа байх юм?
-Мөрөөдөл бол дотроо л бодож байдаг тиим хийсвэр зүйл. Үүнийгээ биелүүлнэ гэдэг том амжилт юм болов уу.
-Монголын мисс гэдэг эрхэм, том алдрыг та хүртлээ. 18 настай мисс бүсгүйн өмнө их өргэн зам, цаг хугацаа бий. Тиим болохоор цаашдын зорилгыг тань сонсъё?
-Мисс гэдэг нь өөрөө энхтайван, эв найрамдлын бэлгэ тэмдэг болж байдаг. Тиим болохоор би энэ нэр хүндээ нийгмийн сайн сайхны төлөө зориулна гэж бодож байна.
Сургуулиа амжилттай төгсч, мэргэжлийнхээ чиглэлээр буюу экологи хамгаалал, байгалийн аялап жуулчлалын чиглэлээр улам гүнзгийрүүлэн ажиллана. Цааш цаашдаа өөрийгөө улам бүр бэлтгэнэ. Хүнд хамгийн чухал нь боловсрол шүү дээ.
-Мисс гэдэг олон олон хүний бахархан дуурайх улгэр байх ёстой. Өерт чинь их хариуцлага ирж байна. Энэ талаар юу бодогдож байна вэ?
-Тиим ээ. Одоо би алхам бүрээ цэгнэж өөрийгөө маш зөв сайхан авч явах ёстой. Мисс хүн ямар байх ёстойг таниулан мэдрүүлэх болно. Сайн үлгэр жишээ болж чадна гэж бодож байна.
-Ер нь Монголын сайхан бүсгүй гэсэн алдрыг хуртээд, тэр титмийг зүүгээд зогсч байхад юу бодогдох юм?
-Үнэхээр их сэтгэл хөдөлж, баярлаж байсан. Тэмцээний дараа сурвалжлагч нар надаас юм асуухад баярлаж догдолсондоо болоод үг гарахгүй байсан. Үнэнийг хэлэхэд Амарын Сарнай гэж дуудахад итгэж чадахгүй байсан шүү.
-Сайхан гэдгийг анх юунаас, хэнээс мэдэрч байв. Ер нь сайхан гэж чинийхээр юу юм бэ?
-Сэтгэлийн сайхан, гадаад үзэмжтэйгээ нийлж цогц сайх-ныг бий болгодог. Сайхан гэдгийг би ээжээсээ мэдэрсэн. Элбэрэл хайр, сайхан бүхнийг би ээжээсээ мэдэрсэн.
-Ээжийн үүрэг хүний амьдралд зүйрлэшгуй их байдаг. Чи ээжийнхээ тухай ярьж болно шуу дээ?
-Энэ тэмцээнд түрүүлэхэд төдийгүй миний бүхий л амьдралд асар их тусалдаг хүн бол ээж. Ээжийнхээ хичээл зүтгэлээр би энэ их нэр хүндийг авлаа гэж бодож байна. Дашрамд хэлэхэд, ээж тандаа хайртай шүү. Таны маань хайр элбэрэл агуу билээ.
-Одоо мисс Сарнай, оюутан Сарнай хоёрын хооронд хэр ялгаа байх бол?
-Хөгжилтэй асуулт байна. Оюутан Сарнай бусад хүүхдийн адил хичээл номдоо л анхаарсан жирийн оюутан хэвээрээ байна. Мисс Сарнай бол маш их үүрэг хариуцлагыг өөртөө хүлээсэн тиим Сарнай байх болно.
-Оюутнуудын дунд өмнөхөөсөө өөр байх шаардлага гарах болов уу, яах бол?
-Өөрчлөгдөх юм ерөнхийдөө байхгүй. Би өөрийнхөөрөө байна. Гэхдээ ийм нэр хүндийг хүлээж авсан болохоор өмнөхөөсөө илүү нямбай, цэгцтэй, биеэ зөв авч явах хэрэгтэй болж байна.
-Сарнай маань хэр сайн оюутан билээ?
-Ер нь хичээл номоо урьтал болгодог л доо. Боловсрох хэрэгтэй. Боловсорч хэзээ ч дуусахгүй учраас хичээл номдоо их анхаардаг. Өөрийгөө гайгүй л гэж бодож байна. Хэл их сонирхдог. Одоо япон хэл үзэж байгаа. Манай сургуулийн хичээл өнөөдөр эхэлж байгаа л даа. Сурахаас гадна ажил үүрэг нэмэгдэж байгаа. Аль болохоор бүгдийг нь л зохицуулах хэрэгтэй боллоо.
-Арван жилийн аль сургуулийг төгссөн бэ?
-Арван жилийн 78 дугаар сургуулийг төгссөн. Манай арван жилийн багш маань их сайхан хүн байдаг. Багштайгаа аль болохоор ойр байхыг хичээдэг. Үлгэр дууриал авдаг хүн бол Дашлхам багш маань даа.
-Сарнайгийн чөлөөт цаг яаж өнгөрдөг вэ?
-Чөлөөт цагаа гэрийнхэнтэйгээ хамт өнгөрүүлэх дуртай. Ээжтэйгээ хамт хоол хийх дуртай. Гэр бүлээрээ, найзуудтайгаа байгалийн үзэсгэлэнт, түүх дурсгалт газраар аялах бас дуртай.
-Хоол хийх дуртай гэлээ. Хэр сайн тогооч вэ?
-Ээжээсээ хоол хийх аргыг сурсан. Ер нь гайгүй хоол хийнэ шүү. Өөрөө зохиож хоол хийдэг. Хоолон дээр шинэ нээлт гаргах дуртай шүү.
-Сарнай хэр, эрх вэ?
-Одоо би бага дүүтэй л дээ. Тиим болохоор эрхлэх нь гайгүй. Багадаа харин эрх байсан байх.
-Мисс болно гэдэг олны нүдэн дээр гарч ирлээ гэсэн үг. Хүссэн хүсээгүй ч сайн муу үг олныг дуулах болно. Тэр болгоныг даах сэтгэлийн хат хэр вэ гэдгийг асуух гэсэн хэрэг л дээ?
-Тиим асуудлууд гарах л байх. Тэр болгоныг туулах сэтгэл санааны бэлтгэл байгаа.
-Монголы нхоо залууст хандаж юу хэлэх вэ?
-Хичээл номдоо шамдаарай. Бас залуу нас, гоо сайхнаа мэдэрч анхаарч байх хэрэгтэй.
-Баярлалаа. Таны цаашдын ажил, сурлаганд амжилт хүсье?
-Баярлалаа. Өдрийн сонин-ы хамт олон болон танай нийт уншигчдад ч ажлын өндөр амжилт хүсье.

Ярилцсан Д.ОЮУНТУЯА
(өдрийн сонин 2005-02-01 030)