Магадгүй олон олон залуус энэ өдрийг сэтгэл догдлон угтаж байгаа нь лав. Хайр хэмээх ариун зүйл байгаа учраас л бидний амьдрал гэрэл гэгээтэй, оргилуун, эрч хүчтэй байдаг шүү дээ. Тиймдээ ч бурхнаас хүнд заяасан хамгийн нандин хишиг болох гэгээн хайрыг магтан дуулж, зуун зуунаар дээдэлж, хайртай хосуудад зориулсан баяр хүртэл бий болжээ. Энэ өдөр залуус бие биедээ сэтгэлээ илчилж, бэлэг солилццог. Жигүүртэн шувууд хүртэл энэ өдөр ижлээ сонгодог гэлцдэг.
Энэ гэгээн сайхан баярыг дэлхий дахинд хэдэн зууны өмнөөс тэмдэглэж ирсэн түүхтэй. Монголчуудын хувьд Валентиний өдрийг тэмдэглээд төдий л удаагүй ч сүүлийн жилүүдэд энэ баяр илүү өргөн хүрээтэй болсон төдийгүй хосууд маань
нэлээн хэд хоногийн өмнөөс бэлтгэдэг болжээ. Гэгээн Валентиний өдрийг улс орон бүрт өөрсдийн ёс жаягт нийцүүлэн тэмдэглэдэг аж. Тухайлбал, Англид гудамжинд анх тааралдсан бүсгүй хүссэн хүсээгүи сайхь эрийн Валентин буюу хос нь болох ёстой байдаг бол Шотландад хайртай бүсгүйнхээ нэрийг бичсэн зурвас гэрийнх үүдэнд үлдээж хариуд нь алим юм уу, амттан авснаар зөвшөөрсөн хариугаа авдаг аж. Туүнчлэн зарим оронд энэ өдөр хотынхоо хамгийн сайхан бүсгүйг шалгаруулж, түүнийг дурлалын бэлгэ тэмдэг хэмээн зарладаг байна.
Хайр сэтгэлээр жигүүрлэн яваа залуус бүтэн жил хүлээсэн хайрын өдөртэйгөө золголоо. Хайртдаа ямар бэлэг өгөх, хаана очих, хэрхэн баярлуулах вэ гэдгээ хосууд аль эрт товлоод амжсан байх. Залуус аа! Хайртай ханиа, хонгорхон найз охиноо, зүрх сэтгэлиинхээ эздийг баярлуулахыг хүсвэл энэ өдөр амжиж сэтгэлээ нээгээрэй. Түүндээ өгөх ямар ч том бэлэгнээс илүү гал халуун хайрын үг хамгийн эрхэм шүү.

Г.ОЮУН
(өнөөдөр 2005-02-14 036)