-2004 оны итгэлт бизнесмэн болсон минь надад болон Скайтел компанид онцгой үйл явдал боллоо. Энэ нь нийт хэрэглэгчдийн эрх ашгийг хамгаалдаг байгууллагаас үзүүлсэн хүндэтгэл, нөгөөтэйгүүр бид байнга хэрэглэгчдийн эрэлт хэрэгцээг судалж, хэрэгцээ шаардлагад нь тохирсон үйл ажиллагаа, үйлчилгээ үзүүлдэг нь хэрэглэгч олны маань таашаалд нийцдэгтэй холбоотой болов уу.
Мөн өнгөрөгч онд манай компанийг холбогдох байгууллага холбоодоос өндрөөр үнэлж Монголын топ 10 аж ахуйн нэгж, Шилдэг маркетингтай байгууллага зэрэг олон шагналыг хүртээлээ. Энэ дашрамд бидний үйл ажиллагааг байнга дэмжиж байдаг хэрэглэгчид болон бизнесийн түншүүддээ ирж буй модон тахиа жилд амжилт бүтээл, аз жаргал сайн сайхан бүхнийг хүсэн ерөее.
-Өнгөрөгч онд хийж бүтээсэн зүйлсийнхээ талаар манай уншигчдад товчхон танилцуулахгүй юу.
-Скайтел компани өнгөрөгч онд 5 жилийнхээ ойг тэмдэглэлээ. Энэ хугацаанд багагүй ажил амжуулжээ. Зөвхөн өнгөрөгч онд гэхэд зүүн болон төвийн бүсийн нийт 21 хот суурин газруудад үүрэн телефоны үйлчилгээг хүргэлээ. Мэн 2.3 сая ам.долларын өртөг бүхий баруун чиглэлийн тоон дамжуулах байгууламжийн төслийг амжилттай хэрэгжүүлж дуусаад байна. Хэрэглэгчийнхээ хэрэглээний онцлог бүрт тохирсон 2 төрлийн шинэ үйлчилгээг зах зээлд нэвтрүүллээ гэх зэргээр тоочвол олон ажлыг манай хамт олон хийж бүтээсэн байна.
-Хэрэглэгчдийн дунд төдийгүй төр засгийн түвшинд халуун сэдэв болоод байгаа гар утасны үнэ тариф буулгах талаар танай компанийн байр суурийг сонирхвол?
-Манай компани анх зах зээлд үйл ажиллагаагаа эхэлснээс хойш хэрэглэгчдийн хэрэгцээнд нийцсэн 7 үйлчилгээг нэвтрүүлж, хэ-рэглэгчиддээ хүргэсэн. Энэ хугацаанд үүрэн холбооны сарын суурь хураамжийг 50 ам.доллараас 8 ам.доллар хүртэл 6 дахин, нэг минутын ярианы тарифыг 0.35 ам.доллараас 0.05 ам.доллар хүртэл 7 дахин буулгахад манай компанийн нөлөө их байсан гэдгийг дурдахад таатай байна. Сүүлийн үед хариуцлагатай албан тушаалтнуудын хэлсэн үг болон хэвлэл мэ-дээллээр гарч буй нийтлэлүүдэд Монголын үүрэн телефоны үнэ тариф дэлхийн зах зээлийн үнээс хэт өндөр байдаг гэх мэт буруу мэдээлэл ихээр гарч хэрэглэгчдийн дунд ташаа ойлголт төрүүлж байгаа нь бидний эрх ашигт сөргөөр нөлөөлж байна. Харилцаа холбооны салбарын хувьд байнга технологийн шинэчлэл хийж, хамрах хүрээгээ тэлэх шаардлага гарч байдаг. Энэ утгаараа манай компани байгуулагдсан цагаасаа эхлэн дэлхийд шинээр гарч буй технологийг цаг алдалгүй хэрэглэгчиддээ хүргэсээр ирсэн. Өөрөөр хэлбэл хөрөнгө оруулалтыг тасралтгүй хийж байдаг.
Мэн манай орны хувьд зах зээлийн багтаамж, нэг хэрэглэгчээс олох орлого бага. Ийм зах зээл дээр бид тоног төхөөрөмжийн хөрөнгө оруулалтаа дэлхийн жишигтэй адил үнээр хийдэг болохыг дурдахад илүүдэхгүй болов уу. Таван жилийн хугацаанд манай компанийн хуримтлагдсан ашиг 6.7 сая ам.доллар байхад бидний хийсэн хөрөнгө оруулалт 25.0 сая ам.доллар байна. Ашгаасаа илүү хөрөнгө оруулалт хийсэн нь бидний хувьд хэрэглэгчидээ эрхэм болгож, тэдний төлөө байнга санаа тавин, гадаадын хөрөнгө оруулалт, урт хугацааны зээлийг өөрийн эх оронд оруулж ирсээр байсныг батлах нэгэн баримт юм.
Манай компанийн үндсэн хэрэглэгчийн нэг минутын ярианы дундаж үнэ 0.05 ам.доллар, урьдчилсан төлбөрт хэрэглэгчийн нэг минутын ярианы дундаж үнэ 0.11 ам.доллар байгаа нь дэлхийд хямдад тооцогдох үзүүлэлт. Үүгээр ч зогсохгүй сар бүр 255 минут төлбөргүй ярих боломжийг манай компани анхлан хэрэглэгчдэд хүргэсэн. Цаашид ч байнга шинийг эрэлхийлж, аль болох хямд үнээр хэрэглэгчиддээ үйлчлэх болно.
-Энэ жилд хийж бүтээхээр төлөвлөж байгаа ажлынхаа талаар танилцуулахгүй юу?
-2005 онд Монгол орныг хамарсан секундэд 154 килобит мэдээлэл дамжуулах хурд бүхий СDМА 1х систем нэвтрүүлэх, Улаанбаатар хотод секундэд 2.4 мегабит мэдээлэл дамжуулах хурд бүхий ЕҮDO системийг нэвтрүүлэх ажил эхлээд байна. Эдгээр систем нэвтэрснээр манай улс үүрэн холбооны 3 дахь үеийн технологи ашиг-ладаг Азийн цөөн хэдэн орны нэг болох юм. Үүний дараа бид хэрэглэгчиддээ мэдээлэл дамжуулах болон хөдөлгөөнт интернэтийн үйлчилгээг хамгийн боломжит доод үнээр хүргэх зорилт тавин ажиллаж байна.
-Цаг зав гарган ярилцлага өгсөнд баярлалаа
-Баярлалаа

(өнөөдөр 2005-02-15 037)