Гэтэл дээрх дугаар нэгэнт худалдаалагдаж дууссан тул Business class үйлчилгээг үргзлжлүүлэх шинэ дугаарыг нэетрүүлж байгаа тухай сураг дуулдаад буй. Энэ талаар Скайтел ХХК-ийн Маркетинг, олон ниптийн харилцааны албаны дарга Ц.Пүрэвдоржоос тодруулсан
-Business class үйлчилгээний 9191-тэй дугаар дууссан гэдэг үнэн үү?
-Манай Business class үйлчилгээ зах зээлд нэвтрээд гурав дахь ойтойгоо эолгож байна. Шатлан буурдаг төлбөртэй зэрэг олон давуу талтай болохоор хэрэглэгчид энэ үйлчилгээг авах сонирхолтой байдаг. Тиймдээ ч богино хугацаанд 9191-тэй дугаар борлогдож дууслаа. Гэхдээ зуун хувь дуусчихаагуй. Тодорхой нөөц байгаа.
-Гэхдээ л энэ үйлчилгээгээ үргэлжлүулэхийн тулд цоо шинэ дугаар гаргахаас аргагүй болсон гэх юм?
-Тэгэхээс аргагүй болсон л доо. Монголын уүрэн телефоны зах зээл дээр дараа төлбөрт үйлчилгээний дугаар дуусаад, шинэ дугаар гаргаж байсан тохиолдол байдаггүй. Хэрэглэгчид үүнийг мэдэж байгаа байх. Манай 9111-тэй болон Мобиком-ын 9911-тэй дугаар дуусаагүй. Үйлчилгээ нь нэлээн удаан хугацаанд үргэлжилж байгаа хэдий ч дугаараа шинэчлэх шаардлага гараагүй. Харин Business class үйлчилгээний хувьд дугаараа шинэчлэх шаардлагатай болсон.
-9191-тэй дугаарын нөөц үлдсэн гэж та хэллээ. Тэр нөөцөөрөө уг үйлчилгээгээ үргэлжлүүлэх боломжгуй юм уу?
-Үнэндээ 9191-тэй дугаар дууссан гэж үзсэн ч болохоор байгаа. Мөн хэрэглэгчид маань дугаараараа ижилсэх, азын дугаар хэрэглэх сонирхол ихтэй байдаг. Тиймээс үлдсэн жаахан дугаарт дугаарын сонголт цөөрсөн учраас бид шинэ дугаараа гаргаж байгаа юм.
-Дугаар шинэчлэгдсэнээр үйлчилгээнд ямар нэг өөрчлөлт орох уу?
-Үйлчилгээнд бол ямар ч өөрчлөлт орохгүй. Харин шинэ дугаарын үнэлгээ өөрчлөгдсөн. Гар утасны дугаар нь тухайн хүний имижийг илэрхийлэх болсон гэдэг утгаар нь зарим дугаарын тарифыг нэлээн өндөр тогтоосон байгаа.
Тухайлбал 96 нь дөрвөн удаа давтагдсан дугаарын худалдах анхны үнэ нь гурван сая төгрөг байна. Мөн 96961111, 96969999 гэх мэт арын дөрвөн орон нь ижил дугаарууд 500 мянгаар, 96962233, 96964545 гэх мэт хоёр хоёроор хосолсон дугаарууд 200 мянгаар худалдаалагдана. Бусад энгийн дугаарууд хуучин тарифаараа байгаа.
-Тэгэхээр дугаарын сонголтон дээр л нэмэгдэлтэй юм байна шүү дээ. Энгийн дугаарын хуучин тариф нь хэд юм бэ?
-Тиймээ, Сонгох дугааруудад л ахиу үнэлгээ тогтоож өгснөөс биш үйлчилгзэний зардал урьдынхаараа, Их ярьж, их хэмнэе гэсэн уриатайгаараа хэвээр үргэлжилнэ гэж ойлгох ёстой. Энгийн дугаар 100 ам.доллар дээр НӨТ нэмэгдээд 137 мянган төгрөг болно. Гэхдээ манайх эмэгтэйчуүдийн баяр, цэргийн баярыг тохиолдуулан гурав-дугаар сарын 2-ноос 31 хүртэл хаврын урамшуулалт худалдаагаа зарлаж байгаа. Энэ хугацаанд Business class үилчилгээний 9696-тэй дугаарын энгийнийг 70 хувийн хөнгөлөлттэй үнээр худалдаж авах боломжийг хэрэглэгч-дэдээ олгох юм. Бас нэгэн сюрприз задпахад ирэх сарын 2-нд шинэ дугаараа нээж байгаатайгаа холбогдуулан нэг өдрийн урамшуулал явуулна. Тэр өдөр ирсэн эхний 96 хүнд 96 хувийн хөнгөлөлт үзүлэх болно. 100 доллараас 96 хувь гэдэг бол дөрвөн ам.доллар орчим болох нь ээ дээ. Тиймд энэ хугацаанд яарч ирээд, эхний хэрэглэгч болвол бага үнээр Business class-ын үндсэн хэрэглэгч болох боломжтой. Дашрамд бас сонирхуулахад дээрх хугацаанд манайхаас гар утас худалдан авсан хүнд дугаар бэлэглэх, үйлчилгээнйий хугацаа хэтэрсэн хэрэглэгчдэдээ эрхийг нь торгуулыүй сэргээж өгөх гэх зэрэг урамшууллууд мөн үсэр явагдах юм шүү.
-Шинэ дугаар нэвтрүүлэхийн тулд сүлжээгээ өргежүүлж байгаа юу?
-Скайтел компанийн сүлжээний өргөтгөл хангалттай хийгдчихсэн байгаа. Яг энэ шинэ дугаараа нэвтрүүлэхэд зориулаад сүлжээний өргөтгөл хийгээгүй л дээ. Бидний зүгээс тодорхой ачаалал тооцож үзээд, шинэ үйлчилгээ гаргадаг.
-Сүлжээнд ачаалал нэмэгдсэнээс үүдсэн саатал гарахгүй гэж итгэж болох нь ээ?
-Сүлжээ ачааллаа даахгүй байдалд хүрэхгүй. Бид сүлжээгээ нэлээн сайн өргөжүүлчихсэн тул найдвартай.
-Жаахан тодруулахгуй юу?
-Өнгөрсөн онд манай компани шинэ сүлжээгээ ашиглалтад оруулсан. Төвийн болон зүүн зүгийн аймгуудад өөрийн сүлжээг хүргэлээ. Сар шинийн өмнөхөн Баянхонгор аймагт өөрийн сүлжээг оруулсан. Цаашдаа Архангай, Хар-хорин, баруун бүсийн Говь-Алтай, Ховд, Баян-Өлгий аймагт энэ оны эхний улиралд багтаагаад сүлжээгээ суурилуулна гэж төлөвлөөд байна. Улмаар аймгууд төдийгүй томоохон сумдад сулжээгээ суурилуулж, Монгол орныхоо өнцөг булан бүрт хүрч ажиллах эорилт тавиад ажиллаж байна. Мөн Нийслэлийн ойр орчмын Тэрэлж, Гачуурт зэрэг хотын хүн ам жуулчилдаг газруудад сүлжээгээ оруулах төлөвлөгөө байгаа. Амралт, зуслангийн улиралаас өмнө хийгдчих байх аа.
-9696-тай шинэ дугаар гаргасан нь Business class үилчилгээний үргэжлэл юм байна. Скайтвл-аас шинээр ямар нэг үйлчилгээ нэвтрүулэх төлөвлөгөө байна уу?
-Бид Mult Media Message Serүice /ММS/ гэх уйлчилгээг нэвтрүүлэхээр төлөвлөж байгаа л даа. Үүнийг нэвтрүүлснээр манай хэрэглэгчид зөвхөн текстээр харилцдаг байсан бол өнгөтөөр, бодит зургуудаа бие биедээ мөссежээр илгээдэг болох юм. Залуучууд маань их сонирхож хэрэглэх болов уу.
-Энэ үйлчилгээг яг хэзээ хэрэглэгчдэдээ хүргэх вэ?
-Хөрөнгө оруулалтын төлөвлөгөөнд тусгагдчихсан байгаа. Тун удахгүй нэвтрүүлнэ.

Д.ЦАХИУР
(өдрийн сонин 2005-02-28 053)