үүнээс хойхно тун удалгүй болсон анхны чөлөөт соигуулиар эдгээр намууд парламентад суудалтай болж ард түмний дуу хоолой болон төрд төлөөлөлтэй болж байснаас хойш мөн 15 жил өнгөрсөн байна. Өнгөрсөн хугацаанд эдгээр намууд янз бүрийн замыг туулсаар 2000 оны арванхоёрдугаар сарын 6-нд нэгдэн Ардчилсан нам хэмээх нэгдмэл том нам болон зохион байгуулагдсан билээ.
Гэвч улигт хоорондын зөрчлөө даван туулж чадахгуй явсаар өнөөдөр гүн хямралд орсон байна. 2005 оны эхээр намуудын тухай шинэ хуультай боллоо. Энэ хуулинд тохируулж намын дүрмээ шинэчлэх, шинэ зохион байгуулалтад орох явдал бидний эн тэргүүний асуудал боллоо. Нөгөөтэйгүүр энэ онд Ерөнхийлөгчийн сонгууль болно. Зөрчилдөө идэгдсэн манай нам өөрийн нэр дэвшигчээ дэвшүүлж амжихгуй байдалд ч хүрч болохоор байна.
Бид дараах саналыг тавьж байна
Аймгийн намын хороодыг яаралтай хуралдуулан 2005 оны Ерөнхийлөгчийн сонгуульд Ардчилсан нам өөрийн хүнээ дэвшүүлэх асуудлаар байр сууриа илэрхийлж санаа бодлоо нэг мөр болгох. Намуудын тухай төрийн хуультай зохицуулсан шинэ дүрэм, зохион байгуулалтад орох. Эдгээр асуудлыгхэлэлцэхийн тулд Ерөнхийлөгчийн сонгуулийн товын өмнө Ардчилсан намын Үндэсний чуулганыг зарлан хуралдуулж, уүнд одоогийн Үндэсний Зөвлөлдөх хорооны гишүүд дээр сум болгоноос хоёр төлөөлөгч сонгон хуралдуулах.

Монголын Ардчилсан намын анхны дарга Эрдэнийн Бат-Үүл
Монголын Социал демократ намын анхны дарга Бат-Эрдэнийн Батбаяр
Монголын Үндэсний дэвшил намын анхны дарга Даваадоржийн Ганболд

(өнөөдөр 2005-02-28 048)