Харин хүний арьс байнга өөрчлөгдөж байдаг.

Монгол хүн 30-аас дээш насандаа ихэвчлэн тослог, эсвэл холимог арьстай болдог. Энэ нь идэж уух зүйлтэй нь шууд холбоотой. Тос, өөхтэй зүйл их идсэнээс арьс тослогжин, шар үсний нүх нь томордог. Энгийн арьстай хүн зун холимог болж, өвөл хуурайшдаг. Хэрэв сайхан арьстай байхыг хүсч байгаа бол өөх тостой зүйл бага ид. Ийм хоол арьсанд шууд сөргөөр нөлөөлнө.
Мөн дотор эрхтний үйл ажиллагаа ямар байгааг арьс шууд л хэлээд өгдөг. Махыг угааж идвэл сайн. Мөн ходоод гэдэсний үйл ажиллагааг сайн байлгахын тулд байцааг хүнсэндээ ихээр хэрэглэ. Өдөр болгон хүндээр бие засч бай. Жимс, жимсгэнэ, цагаан идээ их идэж өглөө, орой хүнд хоолноос татгалз. Долоо хоногийн нэг өдрийг цагаан хоолтой болгож заншаарай. Дашрамд сонирхуулахад хүний арьс 7-45 хоногт бүрэн гууждаг юм шүү. Аливаа химийн гаралтай /гоо сайхны тос крем/ нь сөрөг нөлөөтэй тул хичнээн үнэтэй сайн тос байсан ч үргэлж түрхэх, унтахдаа арилгаж угаахгүй бол нүүр амархан хөгширдөг. Гэр орондоо байх, ойр зуур гарахад нүүрний тос пудр хэрэглэхгүй байх нь зөв. Хүний нүүр бас амрах ёстой.