Тэрээр Манай байнгын хороо өнгөрсөн арванхоёрдугаар сард байгуулагдсан. Байгуулагдсанаасаа хойш цөөнгүй ажлыг хийлээ. Үүнд Оросоос оруулж ирдэг баруун бүсийн эрчим хүчийг зарим татвараас өөрчлөх талаар хэлэлцээд чуулганд оруулсан. Үнэндээ баруун аймгуудын цахилгааны үнийг нэмэхгүй байх гэдэг их чухал асуудал байдаг. Мөн Солонгосоос хөнгөлөлттэй зээл авах, Швед Монголын нийгэмлэгээс төвийн эрчим хүчний дамжуулах систөмийг байгуулахад хүүгүй зээл авах зэрэг асуудлыг хэлэлцүүлсэн. Түүнээс гадна 2005-2008 онд Төрийн өмчийг хувьчлах асуудлын талаар ч хороогоор авч хэлэлцсэн гэлээ. Мөн тус байнгын хороо хаврын чуулганы завсарлагаанаар сэргээгдэх эрчим хүчийг ашиглах, дэмжих, авто замын тухай хууль, далай ашиглах тухай хуульд нэмэлт өөрчлөлт оруулах гээд хэлэлцэхээр төлөвлөсөн ажлууд бий. Ер нь 40 мянган айлын орон сууцны асуудлыг шийдэхэд дэд бүтцийн зүгээс нь олон хуулиудад өөрчлөлт оруулах өстой болоод байгаа юм байна. Түүнээс гадна Хот байгуулалтын тухай хууль, хот тосгодын хуваарлилтын хуульд ч нэмэлт өөрчлөлт оруулах шаардалагатай байгаа талаар байнгын хорооны дарга Ж.Наранцацралт ярьж байлаа. Мөн тус байнгын хорооноос Дэлхийн банктай хамтран өнөөгийн дэд бүтцийн байдлын талаар салбар салбараар нь салган дүн шинжилгээ хийж байгаа бөгөөд улмаар дэд бүтцийн стратеги хөгжлийн баримтыг гаргах гэж байгаа юм байна. Ж.Наранцацралтын хэлснээр эрчим хүч, авто зам, төмөр зам гэхчлэн салбар салбараар гаргаж, хоорондын уялдааг нь тодорхойлсон энэ баримт бичиг хорь гучин жилийн турш ямар ч Засгийн үед хэрэглэгдэх Монголын хөгжлийн баримт бичиг байх болох юм байна. Уг баримт бичгээр дэд бүтцийн салбарт хийх ажлаа төлөвлөж тодорхойлж байх нь хэрэгтэй аж. Тухайлбал дэлхийн сүлжээнд орсон автозамын төслийг гаргах нь гаднаас хөрөнгө оруулалт авах боломжийг нээж өгдөг хэмээн тэр ярив. Түүнчлэн тендертэй холбоотой гардаг хэл ам, зарим асуудлыг ч үгүй хийхээр ажиллах талаар ярьж байв.

(өдрийн сонин 2005-03-02 055, 056)