Сүүлийн үед худлаа хэлсэн хүнд өдөрт нэг янзын хамтаг, дуучин шинээр төрөн гарч хөгшид нь байтугай залуусынх нь толгой эргэж, нэгийг нь нөгөөтэй андуурч, эндүүрэхэд хүрчээ. Борооны дараахь мөөг шиг олон хамтлаг, дуучдаас ялгаран гарахын тулд хууцчуул маань үгээ хэлж, үйл тамаа цайж яваа сурагтай. Минжинсор сайндаа ч давхраа хийлгээгүй гэнэ. Ямартаа л хоолойны чадал хүрэхгүй бол ховсдохын сайныг үзүүлээд өгнө дөө хэмээн аливаа эрсдэлүүдээс үл зүрхшээн янз бүрийн мэс ажилбарт орохов дээ. Найз бүсгүйчүүдэд байдаг барьцамтгай зан Номин, Минжээ хоёроос төөрч одсонгүй. Дуучин Номин ч Минжээг дууриан хамраа өндөрсгөснөөр шинэ дүр төрхтэй Минжээ рүү хуйларч байсан хүмүүс Номинд хөл алдаж эхэлжээ. Номингийн тэс өөр дүр төрхтэй гэрэлт самбаруудаас хүмүүс түүнийг хараад үнэн байдлыг мэдсээр атал тэрээр хэвлэл мэдээллийн хэрэгслүүдээр Би бахь байдгаараа л байна гэж хэнэггүй царайлсан. Харин дээдсийн үсчин Одонгоо Номинг ойроос хараад алмайрсан нэг найздаа Аль эрт л ийм болчихсон шүү дээ. Мэдээгүй юм уу гээд бараг л соёлоос хоцорсон амьтан гэсэн шиг гайхсан үдээр ширтжээ. Арай ахмад настай амандаа сахалтайгаараа Гоо сайхны мэс засалд орох нь эмэгтэй хүнд байх гэж Одгэрэл хүлээн зөвшөөрсөн бол, дуучин Баясгалан өнөөх л уруулын тухай юу, байх шүү дээ гэж мөн л ам алдсан. Сэтгүүлчдийн асуултад мэлзэж сурсан сэргэлэн Минжинсор хараахан нэрд гараагүй царайлаг дуучинд Янзлуулах юм байвал эртхэн янзлуулаарай хэмээн дотночлон захьсан гэдэг.