Тэдний сүүлийн уран бүтээл болох Отгонбаярын ая, Ган-Очирын шүлэг Би гэртээ дуу одоо ч хүртэл хитийг тэргүүлсээр байна. Би гэртээ дууны клип нь ч гэсэн гарсан даруйдаа залуусын дунд чамгүй шуугиан тарьсан. Учир нь тус хамтлагийнханыг дээрх дуу, клипнээс нь болж утсаар залуу хосууд загнаад амраахаа больжээ. Эхнэрүүд нь нөхрүүдээ жаахан оройтвуу үгүй юу л Би гэртээ шиг яваад ирэв үү гээд хэрүүлийн алим шидлэх болжээ. Зарим эрчүүд бүр тэдэн рүү залгаад та нар ингээд илчилчихээр чинь би яах болж байна аа гэж гэнэ шүү. Аргаа барсан хамтлагийн гишүүд утасныхаа дугааруудыг солих уу, эсвэл өөр арга бодох уу хэмээн зөвлөлдөөд нэгэн шийдэлд хүрч. Тэр нь Би буруугүй дууныхаа клипийг хийж фэннүүдийнхээ өмнө нүглээ наминчлахаар шийдэцгээжээ. Тус дууны клипний ажилд кросс студийнхан ханцуй шамлан ороод, одоо үзэгчдийн хүртээл болоход тун ч дөхөөд байгаа аж. Авгай нөхрүүдийн асуудалд Номин талст-ынхан буруугүй шүү таминь.

Болод.М