Төрөх насны буюу 15-49 насны эмэгтэйчүүдийн дийлэнх нь наад зах нь нэг удаа үр хөндүүлсэн байдаг аж. Тэд юуны учир ийм алхам хийхэд хүрдэг юм бол. Нийт үр хөндүүлсэн эхчүүдийн шалтгааныг сонирхоход, 32 хувь нь хүүхэд төрүүлэх болоогүй, 19 хувь нь эрүүл мэндийн шалтгаанаар, 17 хувь нь нас ахисан болон олон хүүхэдтэй учраас гэж хариулжээ.
Ер нь төрөх насны эмэгтэйчүүдийн дийлэнх нь хүүхэд нэмж төрүүлэх бодолгүй байдаг гэнэ. Судалгаанд оролцогч хоёр хүүхэдтэй эмэгтэйчүүдийн 65 хувь, гурван хүүхэдтэй эмэгтэйчүүдийн 85 хувь нь хүүхэд нэмж төрүүлэх хүсэлгүй гэж хариулжээ.
Харин энэ асуудлыг дэлхийн улс орнуудад хориглохын төлөө шийдвэртэй тэмцэх болжээ. Тухайлбал, Америк даяар үр хөндөх зөвшөөрөл олгосон хуулийг эсэргүүцсэн олон нийтийн жагсаал, цуглаан саяхан болсон. Тэд үр хөндсөний улмаас ертөнцийг орхин одсон олон зуун мянган америкчуудын төлөө тэмцэж, үүнийг таслан зогсоохын төлөө Улсын дээд шүүхдээ хандаад байгаа аж.
/2005.03.2, Монголын мэдээ /