АН-аас нэр дэвшигч Ж.Батсуурийг гурван ч удаа батламжлахаас татгалзаж Ерөнхий сайд буцаасныг Ч.Улааны нөлөө байх хэмээн тэд хардаж байгаа аж. Д.Дэлгэрцогтын гомдлыг Нийслэлийн Захиргааны хэргийн шүүх шалгаад, үүрэг гүйцэтгэгч, МАХН-ын Эрдэнэцогтыг түр томилсон захирамжийг хууль зөрчин гаргажээ гэж тогтоогоод буй юм байна. Сухбаатар аймгийнхан орон нутгийн сонгуулиар Эх орон-Ардчилал эвслийг дэмжсэн нь улаан талдаа энэ нутгийн улстөрчдөд гайхшрал авчраад байсан юм. Хоёр ч тойрогт МАХН-ынхан гомдол гаргасан хэдий ч шүүх асуудлыг эвслийн талд шийдсэнээр одоо Сүхбаатарын ИТХ-д МАХН 14, экс эвслийнхэн 16 суудалтай болоод байгаа юм.
-Ерөнхий сайд АН-ынх. Ганц боловч Засаг даргатай болохыг улстөрчийнхөө хувьд бодох нь мэдээж. Гэтэл нам нь ялчихаад байхад МАХН-ын хүнийг Засаг даргаар батламжлах гээд байдгийн учрыг та бүхэн юу гэж тайлбарлах вэ гэсэн сэтгүүлчийн асуултад Д.Дэлгэрцогт,
-Асуудлыг янз бүрээр тайлбарлаж болох байх. Ер нь Ерөнхий сайдаас өөрөөс нь асуу. Би хувь хүний өмнөөс хариулмааргүй байна. Ерөнхий сайд АН-ын хүн учраас намынхаа хүнийг л дэмжих хэрэгтэй баймаар юм. Ц.Элбэгдоржид ёс жудаг, ёс суртахуун алга гэж хариулав. АН-ын ҮЗХ-ны гишүүдийнх нь хувьд Д.Дэлгэрцогт Ц.Содхүү нараас АН-д болоод буй үл ойлголцлын талаарх байр суурийг нь Өнөөдөр-ийн сурвалжлагч сонирхоход, Маргааныг хагалах эцсийн арга нь Үндэсний чуулган. АН-ын дарга М.Энхсайхан мэн гэж хариулсан.

Г.ЭНХ
(өнөөдөр 2005-03-03 051)