Тэрээр АНУ-ын иргэн тул сэргэсэн хэргэм цол авах боломжгүй юм байна. Гэхдээ түүний нэрний ард КВЕ хэмээн бичиж байхаар болжээ. Дэлхийн хамгийн баян хүн гэгддэг Б.Гейтс өдгөө 48 настай бөгөөд Их Британийн хатан хаан ийм шийдвэр гаргасанд ихэд гайхсан байна. Компьютерийн салбарт гайхам амжилт гаргаад зогсоогүй буяны ажиллагаа зохион байгуулсныг нь ийнхүү өндрөөр үнэлсэн байна. Гадаадын иргэдэд рыцарь цол олгох асуудлыг Хатан хаан Их Британийн ГХЯ-ны зөвлөлтэй хэлэлцэж шийддэг аж. Өнгөрсөн 10 жилд Билл болон Мелинда Гейтсийн сан нь буяны үйлсэд долоон тэрбум ам.доллар хандивласан юм.

(өдрийн сонин 2005-03-04 058)