Хүсэлт, мэдээллийн мөрөөр Улсын мөрдөн байцаах газрын Ү хэлтэс, нийслэлийн Прокурорын газраас томилсон ажлын хэсэг баруун дөрвөн замын дэргэдэх агуулахад нь шалгалт хийхийг шаардахад Наран-гийнхан шалгалтаа хэд хоногоор хойшлуулахыг хүсч, агуулахаа онгойлгохыг зөвшөөрөөгүй байна. Ийнхүү эсрэгцсэн шийдвэрүуд нударга зөрүүлэхэд хүргэж, эцэст нь хүчнийхэн агуулахын хаэлгыг эвдэж орсон аж. Татварын албаны нэрэд хэлэхийг хүсээгүй нэгэн эх сурвалжийн мэдээлснээр тус агуулахад татварынхнаас нууцалсан олон арван шил виски байсан бөгөөд түүнийг нь хоёр, гурван машинаар шөнөжин зөөж, Эрүүгийн цагдаагийн газрын агуулахад аваачсан гэнэ. Мөн нэлээд хэмжээнии тамхийг тэнд нь битүүмжилж, лацдаад байгаа юм байна.

С.АНГАР
(өдрийн сонин 2005-03-07 060)