Би нэг асуултаас бүр залхаж гүйцсэн хүн. Түүнийг л бүү асуугаарай гэж Райан Гиггз ярилцлага авахаар ирсэн сэтгүүлчдээс хүсдэг болжээ. Түүнийг тэгтлээ залхаасан асуулт бол Та яагаад Английн шигшээг биш, Уэльсийн шигшээг сонгосон юм бэ? гэсэн асуулт. Арван жил надаас энэ л асуултыг сэтгүүлч бүр асууж ирлээ. Би ер нь яагаад Английн шигшээд тоглох ёстой юм бэ? Би Уэльс хүн. Эцэг эх маань уэльсууд. Балчир насны маань шүтээнүүд ч Иан Раш, Марк Хьюз гээд Уэльсийн хөлбөмбөгчид байсан. Би Англид амьдардаг л болохоос биш Уэльс хүн. Манай шигшээ баг хичнээн муу тоглож байлаа ч би Уэльсийнхээ төлөө л зүтгэнэ гэж Райан Гиггз уурлах нь холгүй өгүүлдэг аж. Багаасаа Английн сургуулиудын шигшээ багийн ахлагчаар тоглож явсан нь энэ асуултад 10 жил хариулахад хүргэснийг би ойлгодог. Багадаа Английн шигшээд тоглож байсан ч мөдхөн эх орныхоо нэрийн өмнөөс талбайд гарна гэдгээ ил хэлж, бодлоо нууж байгаагүй гэж Райан Гиггз өгүүлж байна. Гэвч мөнхийн дундаж багт тооцогдсоор ирсэн Уэльсийн шигшээ Райан Гиггзийн үед ч том амжилтад хүрсэнгүй. Харин Манчестер Юнайтед-ын хувьд Гиггзтэй өнгөрүүлсэн 14 жил алдар хүндийн оргилд хүрсэн он жилүүд байлаа. Одоо тэр он жилүүдийн дуртгалыг хадгалж багтаа үлдсэн хоёрхон хүн байгаа нь Алекс Фергюсон, Райан Гиггз юм. Уг нь анхандаа Гиггз Манчестер Сити-гийн өсвөрийн багт тоглодог байж. 13 настайдаа Сити- гийн өсвөрийн баг улсынхаа Уэльс эр аварга болж, Райан шилдэг хөлбөмбөгчний шагналыг хүртжээ. Дараа жил нь Сити, Манчестер Юнайтед-тай тоглоход 14 настай Райан өрсөлдөгчдөө гурвантаа бөмбөгийг талбайн голоос тоглолтод оруулахад хүргэсэн байна. Үүнээс хойш хэдхэн хоногийн дараа хоёр эрхэм түүнийг эргэж ирсний нэг нь Алекс Фергюсон (МЮ-ийн ерөнхий дасгалжуулагч) байсан бөгөөд МЮ-д тоглохыг урьсан байна. Ингээд Райан 14 настайдаа МЮ-тай амьдралаа холбожээ. Өсвөрийн багийнхан МЮ-ийн үндсэн тоглогчидтой хааяа нэг хамтарсан бэлтгэл хийдэг байж. Ийм нэгэн хамтарсан бэлтгэлийн үеэр Английн шигшээгийн анхны хар арьст хөлбөмбөгчин, алдарт Вив Андерсоны эсрэг тоглох хувь Райанд тохиов. Гэвч тэрбээр түүний нэр хүндийн өмнө хулчийлгүй, хоёр хөлийнх нь хоорондуур бөмбөгөө оруулан хуураатахаж гэнэ. Төдхөн бас дахиад Вивтэй тулахдаа ахиад л хоёр хөлийнх нь хоорондуур бөмбөг оруулан хуурч бүр олны элэг доог болгож орхиж. Вив ч үүнд тэссэнгүй Хэрэв чи дахиад ингэх юм бол зодож орхино шүү! гэж сүрдүүлжээ. Гэвч Райан сүрдүүлгэнд хулчийсангүй, харин ч Английн шигшээгийн тоглогчийг мангартуулж чадсандаа бах нь ханаж байсан гэдэг. Ийм л авьяастай залуу МЮ- д иржээ. 1991 оны гуравдугаар сарын 2-нд Эвертон-ы эсрэг тоглолтод тэрбээр Денис Ирвинийг орлон талбайд анх гарчээ. 1991/ 1992 оны улиралд Райан МЮ-ийн гарааны 11-т багтдаг болчихсон байв. Түүнээс хойш 14 жил өнгөрөхөд МЮ-гүй Райан, Райангүй МЮ-г төсөөлөхөд ч бэрх болжээ. Райаныг МЮ-аас салгаж, багтаа элсүүлэхийг хүсч Ювентус, Барселона, Интер үнэ хаяж байсан ч тэрбээр Дэлхийн хамгийн шилдэг багт тоглож байгаа хэрнээ өөр багийн тухай бодож болно гэж үү? Би эндээ л зодог тайлах болно гэсээр өдийг хүрлээ. Уэльст сүүлийн 10 жилд түүн шиг дээдлэгдэн, хүндлэгдсэн хүн үгүй гэнэ. Харин Гиггз Би Уэльсийнхээ төлөө юу ч хийж чадаагүй л явна. Шигшээ багтайгаа Еворопын АШТ-д оролцож, хагас шигшээд хүрч байна гэж би мөрөөддөг. Энэ мөрөөдөл маань биелвэл л би өөрийгөө зорилгодоо хүрсэн гэж бодох болно гэж ярьдаг.