-Бид таныг Real Madrid-д ирсэн өдөр энэ ТВ дээр ярилцаж байсан. Та их баяртай байсан. Бүх юм таны хүсэж хүлээж байснаар болсон уу?
-Тиймээ, RealMadrid-д тоглож байгаа нь надад таалагдсан. Хүмүүс биднийг зарим хэцүү асуудлуудыг туулж гарсан гэдгийг мэддэг, гэхдээ хамгийн гол нь би сайн тоглож байгаа. Миний эхнэр болон манай гэр бүл аз жаргалтай байна. Brooklyn сургуульдаа их дуртай, олон найзтай болсон. Өдөр болгон шинэ Испани үг сурч байгаа шүү.

-Таныг багт дөнгөж ирсний дараа, клуб болон тоглогчдоос таны анхаарлыг татсан зүйл байсан уу?
-Би юунд ч гайхаагүй, би тэднийг гайхамшигтай тоглогчид гэдгийг мэдэж байсан. Ер нь бол тэд миний бодож байснаас илүү найрсаг хүмүүс байна лээ. Yүнийг хүмүүс гаднаас нь харж чаддаггүй, тэд биднийг хамтдаа байгааг, энэ нь ямар чухал болохыг болохыг мэддэггүй. Миний хувьд тэд бол өөр өөрсдийн онцлогтой дэлхийн шилдэг хөлбөмбөгчид. Би тэд нараар бахархаж явдаг.

-Таныг гайхахад хүргэсэн тоглогч бий юу?
-Би энэ багт ирэхээсээ өмнө л тэднийг мэддэг байсан. Гэвч Guti бол өөрийн гоолуудаар, гайхамшигтай дамжуулалтаар гайхашралд оруулж байдаг тоглогч. Испанид хүмүүс түүнийг мэддэг, харин Англид хүмүүс түүнийг мэддэггүй бөгөөд гайхамшигтай тоглогч гэдгийг нь төсөөлдөггүй.

-Багт өнгөрүүлсэн эхний зургаан сарын тоглолтоо хамгийн сайн тоглосон үе гэж ярьж байсан?
-Миний хувьд Manchester United байхдаа маш сайн тоглогч байсан. Дараа нь RealMadrid-д ирхэд магадгүй фенүүд маань намайг тийм сайн тоглоно гэж бодоогүй байх л даа. Гэвч би сайн тоглосон. Тоглогчийн хувьд ч хүний хувьд ч миний талаархи хүмүүсийн ойлголт магадгүй одоогийнхоос өөр байсан байх. Өнгөрүүлсэн эхний зургаан сардаа сэтгэл ханамжтай байсан минь үнэн.

-RealMadrid дахь анхны үеэс сайхан дурсамж бий юу?
-Тэр үеийн сайхан дурсамжууд надад бий. RealMadrid-тай гэрээ байгуулсан тэр өдөр миний хувьд болон гэр бүлийн хувьд ч чухал байсан, энэ бол мардагташгүй дурсамж юм. Bernabeu-гийн талбай дээр анх хөл тавингуутаа анхныхаа гоолыг оруулсан. Мөн түүнчлэн Roberto Carlos, Zidane, Ronaldo-тай хамт ялалтаа тэмдэглэж байсан дурсамж маань байна. Энэ багт эдгээр тоглогчтой хамт тоглох сайхан байна.

-Энд ирснээс хойш та хэр зэрэг илүү сайжирсан бэ?
-Би ерөнхийдөө тоглогчийн хувьд сайжрч байх ёстой. Техникийн хувьд маш сайн байх хэрэгтэй. Учир нь *Хөлбөмбөгийн аварга* шалгаруулах тэмцээн маш өндөр шаардлага тавьдаг. Бөмбөгөнд анх хүрэх маш чухал байдаг. Би энэ тал дээр илүү сайжирсан гэж бодож байгаа.

-Таны зүүн хөлийн тоглолт маш их сайжирсан ажиглагддаг?
-Би зүүн хөлөөрөө байнга сайн тоглодог, шаардлагатай үед тодорхой мөчүүдэд би зүүн хөлөөрөө сайн тоглож чадна.

-Та мөн хамгаалалтандаа сайжирсан байна, уг нь хамгаалалт таны давуу тал биш?
-Тиймээ, зарим үед би бас хамгаалалтанд тоглодог. Хамгаалагчид болон дундын тоглогч нар надад их тусалсан. Би энэ тал дээр тоглолтоо сайжруулсан, энэ нь надад маш их таалагдаж байгаа, ингэснээр шинэ туршлага хуримтлуулсан.

-Танай багийн хувьд сүүлчийн улиралд тийм сайн тоглоогүй. Хэдийгээр тоглогчид ерөнхийдөө хэвэн дээ байгаа боловч танай баг өөрчлөгдсөн юм шигхарагдаж байгаа?
-Энэ бол итгэл найдвар. Бид шинэ дасгалжуулагчтай болсон, дасгалжуулагч маань юу хийхээ мэддэг, юунд хүрэхээ мөн өөрөө юу хийх ёстойгоо мэддэг. Тэр тоглогчиддоо итгэдэг, тэр биднээс юу хүсч байгаагаа хэлсэн, тоглогчид түүнийг хүндэтгэдэг, мөн нөгөө талаас бидэнд ч гэсэн хүндэтгэл хэрэгтэй.

-Тэгвэл та нарт хатуу гар хэрэгтэй юу?
-Яг тийм биш. Гол нь шаргуу ажиллах, өөрийнхөө тоглолтонд итгэлтэй байх. Luxemburgo намайг өөртөө итгэлтэй болгосон, тэр зөвхөн надтай хамт ажиллаагүй тэр бүгдтэй нь ажилласан. Тэр намайг баг дотроо байр сууриа олоход тусалсан. Би ч мөн шаргуу ажиллсан. Хэрэв би шаргуу ажиллахгүй бол үндсэн багт орж чадахгүй гэдгээ олж харсан. Би талбай дээрх миний байр хаана болох, мөн баг дотрох үүргээ мэдэж авсан.

-Luxemburgo юуг өөрчилсөн юм бэ?
-Тэр манай багт баяр хөөр, инээдэм авчирсан. Өдөр бүр өөдрөг сэтгэлтэй дасгал сургууль хийх нь манай багт их хэрэгтэй байсан. Энэ бол миний бодол. Манай багт ч мөн адил ийм дасгал сургууль таалагдаж байгаа. Өдөр бүр бид ажилдаа ирэхдээ баяр баясгалантай байдаг.

-Тэр тактикийн асуудал дээр их шаардлага тавьдаг уу?
-Тийм. Гэвч хэтрүүлдэггүй. Тэр бидэнд эсрэг тоглогчдын талаар, түүний байрлалын талаар хэрэгтэй мэдээллийг өгдөг. Гэвч энэ тал дээр өдөр болгон шахдаггүй. Бид долоо хоногт 2 удаа л тактик судалдаг. Тоглолт бүрийг камераар бичлэг хийдэг болохоор тоглотын дараа бид багийн тоглолт болон тоглогч тус бүр дээр анализ хийдэг . Энэ маш их ач тустай. Ингэснээрээ бид алдаагаа олж хардаг.

-Beckham-н дуртай байрлал?
-Manchester-т байхдаа баруун жигүүрт удаан хугацаагаар тоглосон. энэ надад таалагдаж байсан. Би дунд тоглох дуртай гэж үргэлж хэлдэг. Гэвч энэ нь миний хамгийн шилдэг байрлал биш ч байж магадгүй. Би хаана тоглох дуртай нь гол биш. Би үндсэн бүрэлдэхүүнд байгаа тохиолдолд аль ч байрлалд тоглоно.

-Та зар сурталчилгааны гэрээнүүдээ цөөрүүлэхээр шийджээ?
-Өнгөрсөн жилийн эхэнд надад 11 ивээн тэтгэгчид байсан, одоо дөнгөж дөрөв бий. Тэдний заримтай нь удаан хугацааны гэрээтэй, заримтай нь 5 жилийн гэрээтэй. Спонсор юм уу арилжааны үйл ажиллагаанаас миний тоглолт хамаарахгүй. Хэзээ ч тийм байгаагүй, тийм байх ч үгүй.

-Та дахин шилдэг тоглолт хийнэ гэж боддог уу?
-Би 30 настай. Би сайхан тоглолт хийх хугацаа байна гэж боддог. Би одооныхоо тоглолтын түвшинг хадгалахыг хүсдэг, чадна гэж ч боддог.

-Ирээдүйгээ хэрхэн төсөөлж байна вэ?
-Би RealMadrid-тай 4 жилийн гэрээтэй. Би анх Manchester-с гарахдаа би өөрийн карьерийг RealMadrid-д өнгөрөөнө гэж бодож байсан. Би ингэхийг хүсч байгаа. Боломжийнхоо хэрээр энд тоглоно гэж бодож байгаа, яг энэ дээд түвшиндөө. Энэ бол миний 2 дахь улирал. Дахин сайхан тоглолтууд хийх он жилүүд байна. RealMadrid бол дэлхийн шилдэг багуудын нэг. Би өөрийнхөө чадлынхаа хэрээр энэ багт зүтгэнэ. Би RealMadrid-с тэтгэвэрт гарахыг хүсч байна