Ерөнхийлөгч Н.Багабанди АДРА байгууллага монгол оронд олон жил ажиллаж ядуурлыг бууруулах, байгалийн гамшгийг даван туулах, хүмүүс өөрсдөө аж амьдралаа дээшлүүлэхэд сургах зэрэг олон чухал төсөл, хөтөлбөрийг хэрэгжүүлж ирсэн. Цаашдаа ч хамтын ажиллагаа өрнүүн хөгжинө гэдэгт итгэлтэй байгаагаа илэрхийлж баяр хүргэлээ.

Мөн Монгол Улс-Бүгд Найрамдах Австри Улсын боловсролын салбарын харилцаа, их дээд сургуулиудын хамтын ажиллагааг хөгжүүлэхэд оруулж байгаа хувь нэмрийг нь үнэлж Австрийн Зальцбург хотын их сургуулийн профессор, хатагтай Бригитте Винклээнэрийг Найрамдал медалиар Монгол Улсын Ерөнхийлөгчийн зарлигаар шагнав.
Шагнал гардуулсны дараа Ерөнхийлөгч хэлэхдээ миний Австри улсад хийсэн айлчлалаас хойш хоёр орны харилцаа идэвхжиж олон чиглэлээр хамтран ажиллаж байна. Түүний дотроос боловсрол, соёл урлагийн салбарын хамтын ажиллагаа алдарт хөгжмийн зохиолч Моцарты Дон Жуан дуурь, Чингис хаан кино зэрэг бодит үйл явдлаар дүүрэн байсныг тэмдэглээд өндөр шагнал хүртсэнд баяр хүргэлээ.

МОНГОЛ УЛСЫН ЕРӨНХИЙЛӨГЧИЙН ХЭВЛЭЛ, МЭДЭЭЛЛИЙН АЛБАНААС МЭДЭЭЛЖ БАЙНА 2005.03.07