МоАХ фракцын ерөнхий нарийн бичгийн даргаар Т.Лхагва ажилладаг бөгөөд фракцынхаа албан ёсны шийдвэрийг уламжилж, М.Энхсайханыг нэр дэвшигчээр бүртгэн авахыг хүссэн байна.
М.Энхсайханы гуравдугаар сарын 20-нд зарласан Үндэсний чуулган хуралдуулах шийдвэрээ цуцалсан явдлыг зөвшилцөл нэрийн дор явагдсан хуйвалдаан гэж үзэгсэд бий. Өөрийг нь нэр дэвшүүлбэл Р.Гончигдоржтой сөргөлдөхөө болино гэсэн М.Энхсайханы байр суурийг нөгөө тал нь хүлээж авсан гэж эх сурвалж мэдээлж байгаа. Юутай ч АН-ын Үндэсний зөвлөлдөх хороо хоёр дахин хуралдахаа больж, МоАХ фракц М.Энхсайханыг Ерөнхийлөгчийн сонгуульд нэр дэвшүүлэх сонирхолтой байгаагаа илэрхийлэв. Тэдний энэ санал намаасаа ямар дэмжлэг хүлээх бол?

(өнөөдөр 2005-03-10 057)