Эрүүл мэндийн тухай элдэв асуулт хариулт
Харин ходоодны их биеийн хавдрын үед бие суларч, хоолонд дургүй болох, хоол амархан шингэх, тэмтрэхэд аюулхай орчим чангарсан, эмзэг байдаг байна.
Шалтгаан Халуун хоол цай байнга хэрэглэх, архи уух хорт зуршил.
-Урьдчилан сэргийлэх
Хоолыг халуунаар идэж болохгүй. Халуун цай уухгүй байх
Архи уухаас татгалзах,
Хэтэрхий өлсөхгүй байх
Тогтмол цагт хооллох
Урьдчилан сэргийлэх үзлэгт тогтмол орж байх
-Хорт хавдарт үүсгэх нөлөө бүхий баталгаагүй цай, бусад хүнсний зүйлсийг хэрэглэхгүй байх
Тамхи татахаас зайлсхийх төдийгүй тамхины утаанаас хол явах
Хоносон хоол халааж идэхээс зайлсхийх
Ходоодны архаг үрэвсэл ялангуяа хеликобактер илэрсэн бол төгс сайн эмчлүүлэхийг зөвлөе
Гэдэсний гүрвэлзэх хөдөлгөөнийг сайжруулдаг эмийн бус бэлдмэл байдаг уу?
Гэдэсний гүрвэлзэх хөдөлгөөн муу өтгөн хатах тохиолдолд бодисын солилцооны эцсийн бүтээгдэхүүн бүдүүн гэдэсний ханаар эргэн шимэгдэж цусанд орсноор бие махбодийн дотоод хордлогонд аажмаар оруулдаг. Орчин үед ходоод гэдэсний хэвийн үйл ажиллагааг сайжруулан цэвэрлэдэг эмийн бус бэлдмэлүүд Ацидофилус-экстра, супер, лакс, пекталакт, ширлайнг зэргийг эмчийн заалтын дагуу өргөнөөр хэрэглэх болсон.
Витамин АЕ уухад уруулын арьс хагардаг уу?
Ямар нэгэн эм хэрэглэхэд эмчийн заалтаар хэрэглэнэ үү гэхээс биш дур мэдэн хэрэглэж болохгүй. АЕ витамин нь антиоксидант үйлчилгээг агуулах учир дархлаа сайжруулах нөлөөтэй. Уруул хагарах нь хоол боловсруулах эрхтэн, системийн өвчлөл, цус багадалт зэргээс үүдэлтэй. Мөн өвлийн улиралд хоол идсэний дараа амаа сайн арчихгүй гадагш гарахад хомхой долоож болно.
-Савны үрэвсэлд ямар эм сайн бэ?
Савны үрэвсэлд яаран эм хэрэглэх нь буруу.
Учир нь үрэвслийн архаг үед эмийн эмчилгээ үр дүн муутай байдаг. Тийм учраас үрэвслийн ямар хэлбэр болохыг тодруулах шаардлагатай. Хэрвээ үрэвсэл хурц явагдаж байгаа бол нянгийн мэдрэг чанарыг шинжлүүлээд тохирох антибиотик хэрэглэнэ. Хэрвээ үрэвсэл архаг үе шатанд байгаа бол эмийн эмчилгээнээс илүү шавар эмчилгээ, эмийн бус аргууд үр дүнтэй. Ер нь ямар ч өвчнийг дан ганц эмээр эмчилдэггүй. Хажуугаар нь дэглэм, хоол унд, халуун дулааны гэх мэт олон хүчин зүйл чухал үүрэгтэй учир эхлээд эмчид үзүүлж оношоо тодруулахыг зөвлөе.
-Оройн цагаан жижиг юм туураад загатнах юм. Яах вэ?
Жижиг тууралт гарч загатнах олон шалтгаан бий. Хамуу, арьсны үрэвсэл, харшлын гаралтай тууралт байж болно. Эмч нүдээрээ үзэж байж онош тавина. Хамуу бол хос хосоор тууралт байна. Арьсны үрэвсэл бол шүүдэс мэдрэгдэнэ. Харшил бол гэнэт гараад алга болно. Эдгээрийн эмчилгээ тус бүрдээ ялгаатай.
Хамуу бол хүхэртэй тос түрхэнэ. Арьсны үрэвсэл бол шавшлага, синтомицинтэй тос хэрэгтэй. Харшил бол амидопиринээр шавшаад дотроосоо харшлын эсрэг тавегил, кетотифены аль нэгийг ууна.
-Сүүлийн үед миний нулимс гоожоод байх боллоо. Яавал дээр вэ?
Манай орон хүйтэн, салхи ихтэй учир хүний нүд улайж үрэвсэх, нулимс гоожих зовиур түгээмэл тохиолддог. Нулимс гоожих нь нулимсны хүүдий цочирсонтой холбоотой. Нулимсны хүүдий цочирч үрэвсэх нь химийн хор утаа, гоо сайхны будаг, вирусын гаралтай гэх мэт хэд хэдэн шалтгаантай. Эдгээрийн үед авах арга хэмжээ шалтгаанаас хамаарч өөр өөр байна.Үүнд
Нэрмэл ус 2-3 дуслыг өдөрт наад зах нь гурван удаа нүдэнд дусаах
Цэвэр хуурай хөвөнгөөр нүдийг гаднаас нь дотогш арчих
Нэг арчсан хөвөнг дахин дахин хэрэглэж болохгүй.
Хэтэрхий даарахаас хамгаалж дулаан алчуур, малгай хэрэглэх
Нар, салхинаас хамгаалж нүдний шил тогтмол зүүх
Нүдний судас тэлж улайсан бол судас нарийсгагч албуцид дусаах
Химийн будаг, гоо сайхны зүйл нүдэндээ хүргэж болохгүй
Цочролыг намжаах бүлээн ванн, халуун ууранд суух
Нүдэн дээр ногоон цай буюу хар байхуу цайгаар норгосон хөвөн тавих сайн. Учир нь цай аргаар үйлчилгээтэй тул нулимс гоожихыг намжаана.
Вирусын гаралтай бол оношийг үндэслэн өвөрмөц эмчилгээ хийнэ.
/Баярсайхан эмчийн булан/
/2005.02. Хань /
