Та тийм, үгүй гээд хариулчихав уу? Тэгвэл одоо бүх хариултаа эмхэтгэх хэрэгтэй. Аль нэг бүлэг асуултын ихэнхийг нь тийм гэж хариулсан бол тухайн бүлгээ төлөөлсөн АБВ үсгийг тавина. Харин дийлэнхийг нь үгүй гэж хариулсан бол тухайн бүлгийг төлөөлсөн үгийн оронд О гэж тэмдэглэнэ. Ийнхүү АОЮ, ООВ гэх мэт хоёр янзын үсгийн хослол гарч ирнэ. Одоо танд үүнийг тайлах л үлдлээ.

АОО Таныг ихэвчлэн найдваргүй хүн гэж дүгнэдгийг та анзаарсан уу? Yнэндээ та ялимгүй хөнгөмсөг. Таны хөгжилтэй, яриа хөөрөөтэй зан бусдад таалагддаг боловч хэлсэн амандаа хүрдэггүй чинь багагүй бухимдуулдаг юм байна. Бусдын нөлөөнд автаж, хууртагдахдаа амархан.

АОВ Та тийм ч ичимхий биш, заримдаа бүр бүдүүлэг хүн гэмээр сэтгэгдэл бусдад үлдээдэг. Эргэн тойрныхон чинь таныг хэрүүлч, хэлсэн үгнээсээ дандаа буцдаг, нягт нямбай бус, эрх дураараа гэж боддог. Хэрвээ та хичээвэл зорьсондоо хүрэх чадвартай, идэвх зүтгэлтэй хүн юм.

АБО Та бусдад таалагдаж, тэдний үзэл бодлыг хүндэтгэдэг. Хүнд бэрх үед найз нөхдөө хэзээ ч орхидоггүй. Гэм нь бусдад тэр болгон итгэдэггүй хашир зантай.

АБВ Та орчин тойрныхоо хүмүүсийг захирах дуртай. Yүнээс болоод та өөрөө эвгүй байдалд ордог. Өөрийн бодож санаж байгаагаа илэрхийлэхдээ бусдад хэрхэн тусахыг тооцоолдоггүй.

ООО Таны биеэ барьсан нууцлаг байдлыг эргэн тойрныхон чинь ойлгодоггүй. Та дэндүү бүрэг хүн юм.

ООВ Яасан бэрх зантай хүн бэ? гэж таныг боддог. Учир нь та харилцаж байгаа хүнийхээ зэвүүг хүргэж, бусдад үг хэлэх бололцоо олголгүй шууд өөрийнхөө үзэл бодлыг тулгадаг.

ОБО Та өөрийгөө магтуулах дургүй, ямагт амгалан тайван байж аливаа асуудлыг буурь суурьтай шийддэг. Дунд сургуульд байхдаа сахилга баттай, найрсаг, нягт нямбай, сурлага сайтай хүүхэд байжээ. Багш нар чинь ч итгэл хүлээлгэдэг байсан бололтой. Харин найз нөхдийн зарим нь бардам, ихэмсэг гэж үздэг бол нөгөөх хэсэг нь таныг ихэд хүндэтгэж нөхөрлөхийг эрмэлздэг.

ОББ Та маш эмзэг өөнтөгч, сэжиглэмтгий хүн. Амархан баярлаж, гомдож аливаа асуудлыг сэтгэлийн хөөрлөөр шийддэг.