Үндэсний татварын ерөнхий газар, Гаалийнхан ч олзоо булаалдах араатан лугаа Манайх эхэлж мэдсэн, бид түрүүлж олоод агуулахыг хамгаалалтад авсан хэмээн бие биесээ мэрэлцэж, бүр сониноор үгэн дайн зарлалаа. Чухамдаа татвараас зайлсхийсэн, гаалийн шалгалтаас нууцалсан байгаа нь л тэдэнд хэрэгтэй баймаар. Гэтэл өдөр тутмын нэгэн хэвлэлээр ҮТЕГ-ын Хяналт шалгалтын хэлтсийн дарга Ч.Гансүх Энэ бол Х.Баатарын ээлжит жүжиглэл. Баатар дарга хаашаа ч зайлахгүй, асар их баримт материал бий хэмээн Гаалийн ерөнхий газрын дарга Х.Баатарыг заналхийлсэн харагдана. Нарийндаа бол зөвхөн Наран трейд ч бус татвараас зайлсхийсэн, гаалийн бүрдүүлэлтгүи бараа оруулж ирсэн гэх өөр бусад компани, эрх мэдэлтнүүд ч олон бийг албаны эх сурвалж онцолсон.
Харин тэдгээр олноос Наран трейд-ийг ийн учир сүггүй булаалдаи нийтэд зарлаж байгааг зарим хүн өөрөөр тайлбарлаж байгаа юм. Тус компанийн ерөнхий захирал, УИХ-ын гишүүн асан С.Болдхэт аль нэг нам, хүчнийг дагаж, туйлшраад байдаггүй нь түүнийг ийм байдалд хүргэсэн байж болох талтай гэнэ. Өөрөөр хэлбэл, түуний нэгэн адил характертай нөлөө бүхий бизнесмэнүүдэд аль нэг талыг барихгүй аваас ийн унагаж чадна хэмээсэн далдын хүчний хатуу сануулга байхыг олон эх сурвалж үгүйсгэхгүй байгаа юм. Үнэхээр ч татвараас зайлсхийсэн, гаалийн шалгалтаас нууцалсан гэдэг дээр гол нь бус Бид эхэлж мэдсэн. Тэр худал ярьж байна хэмээн булаалдсан эрх мэдэлтнүүдийн дайралцааи энэхүү таамаглал унэний хувьтай байж болох юм гэсэн эргэлзээнд хүргэж байгаа билээ.

С.АНГАР
/Өдрийн сонин 2005-03-11/