Энэхүү төсөл хэрэгжсэнээр Улаанбаатар хотын айл өрх бүр, төрийн болон төрийн бус байгууллагууд төдийгүй телевизийн компаниуд, харилцаа холбооны компаниуд, томоохон корпорациуд болон интернэт үйлчилгээ үзүүлэгч компаниуд өртөг багатай өндөр хурдны нэгдсэн сүлжээнд холбогдох боломжтой болж, электрон төлбөр тооцоо хийх, интернэт худалдаа өргөжих, элетрон засаглал бий болох зэрэг өргөн боломжууд нээгдсэнээр, манай улсын хэрэгжүүлж буй мэдлэгт тулгуурласан эдийн засаг бий болгох суурь тавигдана.

Гэрээний дагуу БНСУ-ын Тайхан корпораци нийт хөрөнгө оруулалтын 40 хувийг, Монголын талаас хамтарч буй компаниуд 60 хувийг оруулах юм байна.

БНСУ-даа тэргүүлэгч компаниудын нэг болох кабель үйлдвэрлэгч Тайхан Корпораци нь 1955 онд байгуулагдсан ба жилийн 1,3 тэрбум долларын борлуулалттай дэлхийн хэмжээний компани бөгөөд манай улстай мэдээлэл харилцааны салбарт БНСУ-ын талаас хамтарч ажиллаж эхэлсэн анхны компани юм. Мөн Тайхан корпораци нь Скайтел компанийн Солонгос талын хөрөнгө оруулагч юм.

М-Си-Эс Электроникс компани нь 1997 оноос хойш дэлхийд тэргүүлэгч фирмүүдийн компьютер, түүний дагалдах тоног төхөөрөмжийн худалдаа, засвар үйлчилгээ, интернэт, үйлдвэрлэлийн автоматжуулалт зэрэг олон төрлийн үйлчилгээг бүхий л төвшний хэрэглэгчдэд хүргэх зорилготойгоор байгуулагдан үйл ажиллагаагаа амжилттай явуулж, цаашид харилцаа холбоо, байгууллагын дотоод болон гадаад мэдээллийн сүлжээ, интернэт зэрэг мэдээллийн технологийн салбарт шинэ шинэ ололтуудыг нэвтрүүлэн, улмаар энэ салбарт байр сууриа бэхжүүлэн өргөжүүлэхээр ажиллаж байна.

Юнителком ХХК нь 2000 онд байгуулагдсан бөгөөд шилэн болон физмк кабелийн барилга, тоног төхөөрөмжийн угсралт, мэдээллийн технологийн программ хангамж, сүлжээ зохион байгуулалт, гадаад дотоод худалдаа, автомашины засвар үйлчилгээ, шатахуун түгээх станц, үүнээс мэдээлэл холбооны өндөр хурдны сүлжээ зохион байгуулах бизнесийн салбарт голлон үйл ажиллагаа явуулдаг компани юм.

Алтай Холдинг ХХК нь байгуулагдсан цагаасаа хойш гадаад, дотоод худалдаа, зочид буудал, их дэлгүүрийн үйлчилгээ, ноолуур, уул уурхай, жуулчин, хөрөнгө оруулалт, мэдээллийн технологи зэрэг олон салбарт үйл ажиллагаа амжилттай явуулж байгаа монголын тэргүүлэгч компаниудын нэг юм.

Ийнхүү гадаад тодоодын тэргүүлэх томоохон компаниуд хамтын ажиллагаа, хөрөнгө оруулалтын дөрвөн талт гэрээнд нэгдсэн юм.