Тэрбээр энэ үеэр бүлгийн дэд дзаргын албан тушаалаа өгч байгаагаа мэдэгдсэн байна. Ажлаа өгөх далимдаа Би өөрөө өгч байгаа юм биш ээ, манай намын зүгээс ийм дарамт шахалт ирээд байна гэж бүлгийн даргадаа шивнэжээ. Гэхдээ би бүлгээсээ гарахгүй гэдгээ ч учирлаж амжээ.
Р.Гончигдорж бүлгийн дэд даргаар УИХ-ын гишүүн Л.Гансүхийг тавихад болно гэсэн байна.
Өмнө нь энэ албан тушаалд Нийгмийн бодлогын байнгын хорооны дарга С.Ламбаагийн нэр яригдаж байсан боловч тэрбээр өөрөө татгалзсан байна. Иймд Гончигоо өөрийн мэдлийн ганц хүн болох Л.Гансүхийг онцолсон аж. Тэрбээр АН-д сүүлд орж ирсэн бөгөөд түүнийг Р.Гончигдорж гараас нь хөтлөн дагуулж ирсэн билээ. Иймд өөрийн талын хүн болох Л.Гансүхийг бүлгийн дэд даргаар тавих нь хамгийн оновчтой алхам гэж үзсэн бололтой. Харин энэ хүсэлтийг нь Л.Гансүх төдийлөн таатай хүлээж аваагүй сурагтай байна. УИХ дахь 61-ийн бүлэг 4-р сарын нэгний өдөр буюу энэ баасан гаригт хурал хийж, дээрх асуудлыг хэлэлцэхээр төлөвлөөд байна.

Б.Тэнүүн
2005.03.30 Монголын мэдээ