Энэ үеэр тус хөдөлгөөний ерөнхий зохицуулагч Батзандантай уулзсан юм.
-Өмнө нь танай мэдээллийн төвийг хүчээр буулгасан шүү дээ. Одоо дахин барих гээд байгаа нь ямар учиртай юм бэ
– Бид монгол улсынхаа үндсэн хуулийн дагуу эвлэлдэн нэгдэж, үзэл бодлоо чөлөөтэй илэрхийлэх эрхтэй. Монгол улсын хуулиар мэдээллийн төв байгуулахыг хориглооогүй. Харин эрх баригчид үүнийг хориглож байгаа. Авилгалын мэдээнээс тэд үхтэлээ айж байна. Бид авилгалчидтай хариуцлага тооцох механизмыг бүрдүүлэх гэж энэхүүү үйл ажиллагааг хийж байна.
Бид анхнаасаа улс орноо хямралт байдлаас гаргах гэж, ард түмнээ ядуурлаас аврахын тулд энэ хөдөлгөөнийг бий болгосон.
Эрх баригчид монголын газар нутгийг гадаадын хүмүүст өгч байна, албан тушаалтнууд дуртай газраа орд харшаа барьж байна, мөн өнөөдрийг хүртэл УИХ-ын гишүүд өөрсдийнхөө орлогын мэдүүлгийг өгч сураагүй байна. УИХ-д тавьсан бидний гурван зүйл шаардлагыг тэд хүлээн авахгүй байгаа. УИХ-ын гишүүдийг бид эргүүлэн татах, иргэдийн түр их хурал байгуулахыг шаардаж байгаа. Энэ бүх шаардлагуудыг бид мэдээллийн төвөөрөө дамжуулан тавих болно. Энэ төвийг байгуулснаараа иргэддээ үнэн бодитой мэдээллийг өгнө тэр мэдээлэл дээрээ үндэслэж бидний тэмцэл үргэлжлэх болно.
-Цагдаа нар гэрийг чинь бариулахгүй гээд тойгоод зогсчихсон байна шүү дээ.
-Бид ямар ч байсан гэрээ барина. Эрх мэдэлтнүүдтэй тэдний гар хөл болсон махан бороохойнуудтай дахин мөргөлдөх болох нь.

Ж.Алт

/Olloo.mn/