Энэхүү зээлийн хөрөнгийн асуудлыг хоёр орны Санхүүгийн хамтын ажиллагааны ерөнхий хэлэлцээрээр баталгаажуулах юм.
2004 оны уг хэлэлцээрийн төслийг Засгийн газар зарчмын хувьд зөвшөөрч, УИХ-ын холбогдох байнгын хороотой зөвшилцөхөөр боллоо.

ХЯНАЛТЫН НЭГДСЭН СYЛЖЭЭГ ДЭМЖЛЭЭ

Манай улсын иргэдэд гадаад паспорт олгох, гадаадын иргэдэд виз өгдөг болон улсын хилээр шалган нэвтрүүлдэг, бүртгэл хяналт тавьдаг байгууллагууд хоорондоо хяналтын нэгдсэн сүлжээгүй байсаар өдий хүрчээ. Їүнээс улбаалан гадаадын зарим иргэд Монгол улсад хууль бусаар оршин суух, албан ёсны бүртгэлд хамрагдахгүй байх, хуурамч, хүчингүй, хугацаа нь дууссан бичиг баримтаар хил нэвтрэх боломж байсаар байгааг үгүйсгэх аргагүй юм . Мөн гэмт хэрэг үйлдсэн, эрэн сурвалжлагдаж буй этгээд хил нэвтрэн, оргон зайлах зэрэг зөрчил гарах боломжтой аж.
Иймд хилийн хөдөлгөөнд шуурхай хяналт тавих, улсын хилийн найдвартай байдал, үндэсний аюулгүй байдлыг хангах зорилгоор Иргэний бүртгэл, паспорт хяналтын нэгдсэн сүлжээ-г байгуулахыг дэмжихээр болов.

ИРГЭДИЙН ӨРГӨДӨЛ, ГОМДОЛ, САНАЛД АНХААРНА

Иргэдийн өргөдөл, гомдол шийдвэрлэхтэй холбогдсон зарим арга хэмжээний талаар Сайд, аймаг,нийслэлийн Засаг дарга нарт хандаж Засгийн газрын тогтоол гарлаа.
Ард иргэдээс яам, аймаг, Засаг даргын тамгын газар, тэдгээрийн харьяа төрийн захиргааны байгууллагад амаар, бичгээр болон цахим сүлжээгээр тухайн байгууллагын вэб сайтад ирүүлсэн өргөдөл гомдол, саналыг хүлээн авч, хэрхэн шийдвэрлэх, тэдгээрийн мөрөөр зохиох ажлын талаар уг тогтоолд тодорхой дурдсан байна. Мөн энэ талаарх журмыг хуульд нийцүүлэн шинэчлэн боловсруулж, 2005 оны эхний хагаст багтаан баталж, мөрдүүлэхээр тогтлоо.

МОНГОЛ, ХЯТАДЫН ЗАСГИЙН ГАЗАР ХООРОНДЫН КОМИСС ХУРАЛДАНА

Энэ оны дөрөвдүгээр сард Бээжин хотноо Монгол, Хятадын Засгийн газар хоорондын комиссын 9-р хуралдаан болно .
Хуралдаанд Зам, тээвэр, аялал жуулчлалын сайд, Комиссын Монголын хэсгийн дарга Г.Батхүү тэргүүтэй төлөөлөгчид оролцох юм. Мөн энэ үеэр хоёр талын бизнесменүүдийн ажил төрлийн уулзалтууд зохиогдоно.

ЖИЖИГ,ДУНД YЙЛДВЭРИЙГ ДЭМЖИВ

Жижиг, дунд үйлдвэрийг эрчимтэй хөгжүүлж, өрсөлдөх чадварыг нь дээшлүүлэх, албан бус бизнес эрхлэгчдэд албан ёсны жижиг, дунд үйлдвэрлэл эрхлэх таатай нөхцөл бүрдүүлж өгөх, ажлын байр шинээр бий болгох, нэмэгдүүлэх зорилгоор Засгийн газраас тогтоол гаргав.
Жижиг, дунд үйлдвэрийг дэмжих хөтөлбөр-ийг сайшаасан энэхүү тогтоол нь нийгэмд буй ажилгүйдэл, ядуурлыг бууруулахад чиглэсэн чухал арга хэмжээ боллоо хэмээн Засгийн газар үзэж байна.

Засгийн газрын Хэвлэл, мэдээллийн албанаас мэдээллээ
2005.04.01