Би багаасаа л охидуудтай заавал эмэгтэй гэдэг талаасаа, заавал хайр дурлал, сексийн харьцаатай байх талаасаа биш энгийн найзууд байх дуртай байсан.

Олон охидуудтай найзлаад харамсах үе гарч байв уу?
Болоод өнгөрсөн зүйлд харамсах дургүй. Алдсан бол давтаж болохгүй шүү дээ.

Та эмэгтэй хүнтэй хэр хурдан ойлголцож чаддаг вэ? Тэд таны зан чанарыг хэрхэн дүгнэдэг талаар?
Би ер нь л илэн далангүй нээлттэй байхыг зорьдог учраас маш сайн ойлголцож чаддаг гэж бодож байна. Дээр хэлеэн, эмэгтэй хүн бүртэй бүсгүй хүн гэдэг талаас биш хүн гэдэг утгаараа харьцдаг болохоор хэцүү байдаггүй. Харин илэн далангүй байдаг болохоор хэтэрхий шулуун гэж боддог тал бий.

Танд эмэгтэй хүний ямар дүр төрх таалагддаг вэ? Өөрийнхөерөе эмэгтэй хүнийг бүтээх боломж олдвол?
Харагдах төрхөөрөө гэвэл дунд зэргийн нуруутай, гоё өгзөгтэй, маш гоё биетэй, өөртөө зохицеон зан ааштай, нүдэнд дулаахан байвал зүгээр. Заавал царайлаг байх шаардлагагүй. Мөн үс их чухал юм байна.

Та урлагийн хүний хувьд эмэгтэй хүнийг ямар нүдээр хардаг вэ? Жишээ нь зарим зураачид тэднийг бүр бишрэн шүтдэг гэж ярьдаг?
Эмэгтэй хүн бол эрэгтэй хүний зайлшгүй түшиг тулгуур нь шүү дээ. Тэдэнгүйгээр эрчүүд байхгүй л гэсэн үг.

Та гэр бүлийн амьдралын талаар юу гэж боддог вэ?
Үнэндээ Монголд байх үедээ мэдэрч чадаагүй , л дээ. Хамтлаг, уран бүтээл гээд гэр бүлдээ маш бага цаг зарцуулдаг байлаа. Харин Америкт очоод мэдэрсэн л дээ. Байнга гэртээ бэлтгэлээ хийж, эхнэр хүүхэдтэйгээ ихэнх цагаа өнгөрөөдөг болсон. Баар цэнгээний газрын сонирхол эрс буурч гэр бүлийн төлөө цаашид яах вэ гэдэг дээр л санаа тавьж ихэнх анхаарлаа хандуулах болсон.

Таны амьдралдаа баримталдаг онцгой зүйл бий юу?
Зөндөө л байгаа. Хамгаас чухал нь үр хүүхдээ нялх бага байна гэхгүй эртнээс, алхам бүрт анхаарал тавих ёстой гэж боддог.

Таны сонирхдог зүйл?
Биллиард тоглодог, багаасаа л нохой тэжээж байна. Одоо 2 нохойтой.

Таны бухимдлыг 1 минутын дотор яг юу сэргээж чадах вэ?
Үүнээс ч дор байх байсан юм бил үү гэж боддог юм байна. Тохиолдлын дампуурлууд байдаг шүү дээ.

Гэнэт та азтай тохиолдлоор маш их мөнгөтэй болбол нийгэмд зориулж юу хийх вэ?
Би боломжийн, хүрэлцэхүйц амьдрал байхад л хангалттай гэж үздэг. Их мөнгө хурааж хуримтлуулан, баяжих сонирхол надад байхгүй. Дуртай юмаа хийж карьертай байна гэдэг хамгийн чухал. Тусламжийн хувьд гэвэл хүмүүс янз бүрийн нийгмийн эмзэг хэегүүдэд тусладаг. Харин би туслах боломжтой болбол яг өсөж яваа, 18.19 настай, тодорхой зорилготой, түүнийхээ төлөө тэмцэж байгаа, өөрийгөө таньж мэдэн авьяасаа мэдэрсэн залуучуудад туслах болно.

Таны мэргэжлээс тань гадна амьдралаас ч юмуу суралцүан зүйл байдаг уу?
Үнэхээр байхгүй юм байна. Би өөрийн мэргэжилдээ л чадвартай гэж бодож байна. Манай монголчууд олон талын авьяастай гэж тэднийг давуу гэж үздэг ойлголтыг өрөөегөл гэж бодож байна. Харин яг нэг юмыг онцгой гарамгай сайн хийдэг бол бүр ухаж яривал улс орны хөгжилтэй ч холбож болно. Гэхдээ энэ миний л бодол шүү.

УРАН БҮТЭЭЛИЙН ТАЛААР…

Таны хаалтын тоглолт болон монголдоо ирээд хийсэн тоглолтуудын үзэгч фенүүд хэр хүчтэй байсныг хэн бүхэн мэднэ. Хүн бүр л санасан байсан. Үүнээс үүдэн та өөрийн уран бүтээлээ үргэлжлүүлэн бүтээсэн бол дээр байж дээ гэж бодох үе гарсан уу?
Энэ бол 2 талтай. 1997 онд би явсан. Тэр үе бол миний уран бүтээлийн оргил үе байлаа. Яг тэр үед монголоос яваад өгсөнд хүмүүс дурамжхан байсан байх. Яагаад
явсан гэхээр, миний сэтгэл тэр үед цадаагүй. Тэр үе болоод байгаа юм шиг боловч тэрнээс цааш 3.4 жилийн дараа яах вэ гээд бодохоор өөрийгөө цэнэглэх шаардлагатай гэж үзсэн юм. Яаж цэнэглэх вэ гэвэл рок попын орон бол Америк, Англи орон гэдэгтэй хэн ч маргахгүй. Тэнд очиж амьдарч, тэдний дунд орон адилхан сэтгэж эхлэх хэрэгтэй байлаа.тэр сэтгэхүй миний уран бүтээлд яаж нөлөөлөх нь ойлгомжтой шүү дээ. Нөгөө талаас бодоход уран бүтээлээ үргэлжлүүлэн хийсэн бол юу болох байсан бол? Илүү ямар амжилт ирэх байсан бол гэж бодож болно. Би Америкт 7 жил болоод, Монголдоо ирээд 1 жил болж байна. Энэ бүх хугацаанд уран бүтээлээ хийсээр л байгаа. Саяхан Нутгаа санана гэсэн цомог гаргасан. Тэр цомогт стиль жанрын хувьд миний байхгүй байсан 7 жилийн хугацаанд бүтээсэн дуунууд багтсан байгаа. Дахиад нэг цомог гаргахаар бэлдэж байна. Энэ цомог маань ч миний америкт өнгөрүүлсэн тэр үеийн, тэр маягийн, тэр амьдралаас олж авсан бүхнийг шингээсэн дуунууд байх болно. Өөр бодож санаж байгаа зүйлүүд ч их байна. Дахиад хэдэн жилийн дараа л миний хийхээр төлөвлөж байгаа бүхэн гарч тэр үед би уран бүтээлийн тал дээр зөв замаар явсан эсэхээ дүгнэх болно.

Таны амжилтад юу нөлөөлсөн гэж үздэг вэ? Мэдээж сайн баг бүрдсэн байх л даа?
Мэдээж маш сайн баг бүрдсэн байсан. Би өөрийн зорьсон, зүтгэсэн бүхэндээ хүрэх дуртай. Болдог ч бай болдоггүй ч бай заавал зүтгэдэг. Тэр зан нөлөөлсөн болов уу гэж. Энэ чанар их түлхэц болсон байх. Ярихад амархан боловч гүйцэтгэх гэдэг ярвигтай л даа. Яг зорьсон шугамандаа байхаас гадна өөрийн авьяасыг мэдрэх нь мэн их чухал. Хэрвээ би спортоор явсан бол хичнээн хичээгээд ч амжилт гаргахгүй байсан. Энэ нь хүн бол өөрийн давуу талаа мэдрэх нь их чухал.

Таны амжилтад аз, эсвэл хувьсгалын тохироо гэдэг шиг цаг үеийн тохироо нь бүрдсэн байсан гэх нэмэлт тайлбар байхгүй гэж үү?
Аливаа юмны тохироо бүрдэнэ гэж байдаг. Үүнтэй хэн ч маргахгүй боловч өнөөдөр монголын эстрадын урлаг хөгжиж байна уу гэхээр энэ олноор төрж байгаа хамтлагуудаас ямар ч хөгжмийн боловсролгүй болон ур чадварын хувьд дундаж хэмжээний хамтлаг болон дуучид олон байдаг. Компьютер өндэр хэмжээнд хөгжихийн өмнө сайн бүтээл гаргахын тулд хөгжимчид зэмсгээ чадварлаг эзэмшсэн байх шаардлагатай байдаг байлаа. Харин одоо 21-р зуунд компьютер хүчтэй хөгжиж эхэлснээр тэд натурал хөгжим тоглох тал дээр өөрсдийгөө дайчлан хөгжүүлэхгүй байна. Бөмбөрийг оригиналаар тоглох, басс, соло гитар, төгөлдөр хуур тоглох сайн хөгжимчид төрөхгүй байна гэсэн үг юм. Миний тоглодог жанар бол сайн хөгжимчдийг шаарддаг. Эргээд хэдэн жилийн дараа хамтлапайгаа ахин тоглоё гэхээр манай хамтлагийн гишүүд бүгд өөрийн амьдралын хэмнэлтэй болчихсон. Жишээ нь Нэг нь америкт, нөгөө нь Хятадад, нэлээн хэд нь ондоо хамтлагт гэх мэт. Иймээс ондоо сайн хөгжимчидтэй нийлээд тоглоё гэхээр миний хэмжээнд тоглодог хөгжимчид нь мэн л туе тусын хамтлагуудад тоглодог. Бидний тоглож байсан тэр үеэс л олон залуус хүчтэй цөмрөн гарч ирэн мэн одоо ч төрсөөр байгаа бол над шиг уран бүтээлчидэд уран бүтээлээ туурвихад туйлын омар байх байлаа. Тиймээс залуучууд та нарт энэ урлагийг сонгосон бол өөрийн гэсэн ур чадвартай болохын тулд эрт залуугаасаа өөрийгөө бэлдэж тухайн зэмсгээ чадварлаг эзэмшсэн байх ёстой гэж захих байна.
Харанга, Хурд, Нисванис, Никитон, Шөнийн галт тэрэг зэрэг хамтлагуудыг эс тооцвол Аранзай, Халиун, Гантөр, Баярхүү нар л ерөнхийд нь хөгжмүүдийг нь найруулж Монголын рок поп, хип хоп, зохиолын дуу зэрэг чиглэлүүдийг нуруундаа үүрч яваа гэж хэлж болно.
Тиймээс өнөөдөр рок поп, зохиолын дуунууд бантан болж байна гэж боддог. Аргагагүй шүү дээ, цөөн хэдэн хүний гараас гарч байгаа юм чинь. Жишээ нь харангын бүх уран бүтээлүүд өөрийн гэсэн өнгэ аястай байдаг. Хурд, Никотон гээд бусад хамтлагууд ч мэн адил. Хэн бүхэн л мэднэ. Иймээс дуучин, хамтлаг, уран бүтээлчид дор бүрдээ л уран бүтээлээ өөрсдөө хийж өөрийн гэсэн өнгэ аяс, дүр төрхийг илтгэх хэрэгтэй. Ингэснээр олон төрөл жанар гарч ирэн энэ урлаг чанаржих болно.

Таны хүсэж байгаа тэр чанарлаг гэх уран бүтээл хэдийд төрөх бол?
Би 5 жилийн дотор тэсрэлт гэдэг шиг хүчтэй гарч ирж чадна гэдэгтээ итгэлтэй байдаг.

Таны тэсрэлтийг олон хүн хүлээж байгаа байх.
Би классик рок стилиэр тоглодог. Энэ бол угаасаа л байх ёстой. Одоо гарч байгаа хип хоп зэрэг урегалууд бол орчин үеийн байх ёстой стиль юм. Намайг бага байхад л миний тоглодог стиль байдаг байсан хэдий ч Dance стиль маш хүчтэй гарч ирж байлаа. Үүнтэй л адил.

Монголдоо буцаж ирснээс хойш таны амьдралаас авч байгаа таашаал?
Дуртай юмаа хийхэд цаг хугацаа байна гэж бодож байгаа. Энэ нь хөгжил багатай орны нэг талын дутагдал нөгөө талын давуу тал байх. Ялж гарч ирнэ гэдэг хөгжилтэй орнуудад бол их хэцүү л дээ. Монголд амьдрал удаан хэмнэлтэй байдаг болоод ч тэр үү их боломж байна гэж боддог.

Та хэр ачаалалтай ажилладаг вэ? Зарим үед хэт их ачааллаас болж юу ч хиймээргүй үе гардаг уу?
Амралтыг өөртөө олгож чаддаг. Гэхдээ баримталдаг зүйл бий. Миний хувьд өдөр бүр бэлтгэлээ хийдэг. Байнгын бэлтгэлтэй байхын тулд өөртөө амралт өгч байх шаардлагатай.

Урлагийн боловсрол, энэ талын карьерыг дэмждэггүй эцэг эх зарим хүмүүсийг юу гэж бодож байна?
Урлаг спорт гэдэг улсын хөгжил дэвшлийг илэрхийлж байдаг. Урлаг бол маш том ертөнц, маш том карьер. Тиймээс байх л шаардлагатай. Ухамсрын төвшин дээшлэх тусам урлаг спорт илүү хөгжиж байдаг гэж ойлгож болно.

(Гялбаа 2005 (02) 10)