Оюутнууд энэ жил оршин суугаа газраасаа сонгуульд саналаа өгөх эрхтэй болжээ. Хэвлэлийн хурлын усэр оюутны холбооныхон Ерөнхий сайд Ц.Элбэгдоржтой байгуулсан ажлын төлөвлөгөөгөө танилцуулсан юм. Юун түрүүн төрийн өмчийн таван их сургуулийн удирдах зөвлөлд оюутны төлөөллийг тэд оруулжээ. Ингэснээр ирэх хичээлийн жилд сургалтын төлбөрийг нэг ч төгрөгөөр нэмэхгүй байх гэсэн тэдний шаардлагыг сургуулиуд хүлээн авчээ. ЭМШУИС, МУИС, МУБИС, СУИС зэрэг дөрвөн сургууль төлбөрөө нэмэхгүй байхаар тогтжээ. Харин ШУТИС удирдах зөвлөлийн хурлаараа энэ асуудлыг дахин хэлэлцэхээр түр хойшлуулаад буй гэнэ.
Мөн Монголын залуучуудын үндэсний хөгжлийн хөтөлбөрийг шинэчлэн батлах, оюутны хотхон байгуулах газар болон их, дээд сургуулиудын эзэмшил газрыг баталгаажуулах, оюутны эрүүл эндийн дааталын асуудал, их, дээд сургуулиудыг зэрэглэх шалгуур үзүүлэлтийг боловсруулах элсэгчдээс авдаг хандив, алдангийг зогсоох зэрэг олон ажлыг хэрэгжүүлэхээр болсон байна.

Г.ГЭРЭЛ
(өнөөдөр 2005-04-11 085)