Сүүлийн жилүүдэд эдийн засаг-хөгжлийн онолд өөрчлөлт гаргаж буй хэмээн дэлхий дахинд зүй ёсоор үнэлэгдсэн Капиталын нууц номыг зохиогч, доктор Эрнандо де Сото Эрх чөлөө, ардчиллын төлөөх хүрээлэн-г удирддаг юм. Түүний бие төлөөлөгчид уулзалтын үеэр Монгол Улсын бизнесийн хөгжлийг дэмжих, үүний тулд эдийн засгийн албан бус секторт ажиллаж буй хувийн хэвшлийг албан ёсны болгох, үл хөдлөх хөрөнгийг зах зээлийн эргэлтэд оруулах арга барилын талаар Ерөнхий сайдтай санал солилцов.
Энд дурдагдсан чиглэлүүдээр дээрх хүрээлэнгээс/ILD/ манай улсад зохих судалгаа явуулж, төсөл хэрэгжүүлэх тохиролцоонд хүрлээ. Төслийн баримт бичгийг Yйлдвэр, худалдааны яамтай хамтран боловсруулахаар урьдчилан тогтлоо.

/Olloo.mn/ B Ж.Алт