энэ нь тэс өөр асуудлаас болсон гэх. 62-ийн бүлэгт нэр нь цохиж явдаг урвагч 25 дахин урвахаар шийдсэнээс өчигдөр бүлэг хуралдаагүй бололтой.
Өнгөрсөн долоо хоногт болсон хурлаараа бүлгийн дэд дарга Р.Гончигдорж албан тушаалаа Л.Гансүхэд шилжүүлье гэсэн нь МАХН-ын гишүүдийн цухлыг багагүй хүргээд авсан. Үүнд шаралхсан 25 гишүүн МАХН-ын бүлгээс гарахаар өөр хоорондоо ярьсан нь МАХН-ын гишүүдийн чихэнд хүрээд амжиж. Ялангуяа Ч.Улаан энэ мэдээг сонсонгуутаа гарвал гарна биз, урваж шарваж сураагүй биш, тэд гэж томорсон нь өнөөх 25-д ташуур нэмсэн бололтой. Бид төр засгийг тогтвортой байлгахын төлөө нэгдсэн хэмээн гэмээ наминчилдаг 25 ямар ааш нь хөдлөөд бүлгээс гарах болсон нь тодорхойгүй байна.
Гэхдээ зарим эх сурвалжийн хэлснээр дээрх 254 гишүүнийг МАХН-аас нэр дэвшигч Н.Энхбаярын сурталчилгааг тойрогтоо хийх хэрэгтэй гэж шахалт үзүүлсэн бололтой. Хэдий өөр намын өвөрт гүйгээд орсон ч гэлээ өөрийн намын хүнээ дэмжих нутгархах үзэл нь ханхлаад, тэд татгалзсан хариу өгсөн юм байх. Үүнээс үүдээд бүлгээс гарахаар шийдсэн аж. Юутай ч 62-ын бүлэг дээсэн дөрөөн дээр байгааг тус бүлгийн зарим гишүүн үгүйсгээгүй юм.
Гэвч бүлэг тарахын цаана нэлээд том асуудал бий гэж учир мэдэх хүмүүс ярьж байна. МАХН-ын сайд нар нь гөжөөд дийлэхгүй байгаа ТЕГ, Төрийн өмчийн хорооны дарга нарыг албан тушаалаас нь чөлөөлөх асуудлыг бүлэгт орсон гишүүдээр дамжуулан шахалт үзүүлснээс бүлэг тарахдаа хүрээд байгаа ч гэх яриа байгаа юм.

Б.Сэлэнгэ

2005.04.12, Монголын мэдээ