Жолооч нарт хутга тулган хоолойг нь боож, улмаар бэлэн мөнгө, утсыг нь дээрэмдээд алга болж байв. Тэдний үйлдэл, жолооч нарт гаргаж байсан авир хоорондоо төстэй байсан тул такси дээрэмддэг зөвхөн нэг бүлэглэл байж болзошгүй гэж цагдаагийнхан үзэж байсан билээ. Үнэхээр ч Цохилт нэгдсэн арга хэмжээний үр дүнд Сүхбаатар дүүргийн Цагдаагийн хэлтэс гэмт этгээдүүдийг саяхан илрүүлэн баривчилжээ. Хачирхаптай нь такси дээрэмдэгчид оюутнууд байсан байна. Сэлэнгэ аймгийн Сүхбаатар сумын харьяат, Шинжлэх ухаан технологийн дээд сургуулийннэгдүгээр дамжааны оюутан Б.Бат-Эрдэнэ, Төв аймгийн харьяат, Худалдаа үйлдвэрлэлийн дээд сургуулийн нэгдүгээр дамжааны оюутан Х.Мөнхсайхан нар бүлэглэн үйлдэж байжээ. Тэдний энэ оны хоёрдугаар сарын 27-ны өдөр Сүхбаатар дүүргийн 6-н буудал-аас Дарь-Эх хүргүүлэх замдаа жолоочиин хоолойг боож дээрэмдсэн, гуравдугаар сарын 10-нд мэн дээрх чиглэлд хүргүүлэхдээ, гуравдугаар сарын 21-нд Сансрын ШТС-ын дэр-гэдээс Дарь-Эх, гуравдугаар сарын 23-нд мэн 6-н буудал-аас Дарь-Эх хүргүүлэх замдаа, гуравдугаар сарын 31-нд 5-н буудал-аас хороолол хүргүүлэхдээ жолоочиин хоолойг боож дээрэмдсэн хэргийг нь цагдаагийнхан илрүүлэн шалгаж байна. Оюутнууд зөвхөн таксины жолоочийг ч бус үдэш орой ганц нэгээрээ яваа иргэдийг ч ангуучилдаг байсан бололтой. Тухайлбал, гуравдугаар сарын 26-ны орой Баянзүрх дүүргийн 12 дугаар хороо, Амгалан дахь Жанжны гудамжинд иргэн Д-г араас нь боож унаган эд зүйлийг нь дээрэмдэж байсан байна.
С.ЭНХТУУЛ
(өдрийн сонин 2005-04-13 090)