Тус дүүргийн иргэн А-гийн чингэлэгт байсан 300 гаруй кг ноолуурыг нь гэмт этгээд ул мөр үлдээлгүй ачаад арилсан байна. Жил бүрийн өдийд ноолуурын ченжүүд халдлагад ихээр өртдөг. Цагдаагийнхан гэмт хэргүүдийг улирлаар нь төрөлжүүлэн урьдчилан сэргийлдэг ч иргэд дээрэмчдийн арга заль, гарт өртсөөр байна. Хавар ноос ноолуурын, намар хулгайн ан, өвөл цагаан сарын идээ шүүс, хил гааль нээгдэх цагт төмөр, спиртийн хэрэг хүчнийхнийг тайван суулгадаггүй аж. Тайван суухын ч арга үнэндээ үгүй. Өнгөрсен онуудад Баянхонгор, Говьсүмбэр, Төв, Говь-Алтай, Дундговь аймагт ноолуурын ченжүүдийн амь насыг зэрлэгээр хөнөөснийг бид тухай бүрт мэдээлж байсан. Эдгээрээс хоёр жилийн өмнө Дундговь аймагт гарсан түүхий эд цуглуулдаг гурван ченжийн амийг егүүтгэсэн хэргийн ул мөр өнөө хэр олдоогүй байгаа. Иймд цагдаагийн газраас ноос ноолуур өндэр үнээр авна, зарна гэсэн заруудад иргэд болон ченжүүдийг хууртахгүй байж зөвхөн түүхий эдийн бөөний цэгүүдээр л үйлчлүүлж байхыг анхаарууллаа. Ноолуур өндэр үнээр авна, зарна гэх зар нь шунахайн сэдэлтэй урхи байж болзошгүй гэж үзэж байгаа тул ийнхүү сэрэмжпүүлж байгаа юм байна.

С.МАРГАД
(өдрийн сонин 2005-04-13 090)