Интернэт дэх хаяг нь тодорхой вэб хуудсуудад гарсан мэдээлийг бид зүгээр л дамжуулна.

Mongolian үirgin girls in porn буюу Монголын онгон охид порно кинонд хэмээсэн утгатай баннер www.allinternal.com сайтад үе үе харагддаг.
Ганц бие залууст зориулсан танилцах булан www.yahoo.com-д байдгийг та лав мэдэх байх. Дэлхийн 200 гаруй орны залуус хэн нэгнийг хайж энэ сайтад зочилдог. Тэнд буй Монгол охидтой зугаацахыг хүсэж байна уу? гэсэн утгатай реклам маягийн баннер www.allinternal.com руу чангаана. Тэгээд дараа нь popup үсэрдэг цонхоор дамжин өнөөх таагүй мэдээлэл гарч ирэх нь тэр. Тодорхой оноосон хаяггүй үсэрдэг цонхоор мэдээлэл дамжуулах нь ийм төрлийн бизнес эрхлэгчдийн хувьд аюулаас зайлсхийх нэг ёсны хамгаалалт болдог гэх.
Тэгвэл энэ удаа садар самууныг дэгдээгчид Монголыг тоочиглож, овоо хараандаа аль хэдийнэ оруулчихжээ. Хэсэг бүлэг америк залуус иймэрхүү бизнес эрхэлдэг бололтой. Тэд үйлчлүүлэгчдийн захиалгын дагуу порно кино хийдэг аж. Захиалагчдын дийлэнх нь ази бүсгүйчүүдийг таашаадаг гэнэ. Эрэлт хэрэгцээ ихтэй болохоор нь Ази, тэр дундаа Хятад, Япон, Солонгост очиж олон охиныг мөнгөөр худалдан авч бизнес хийснээ бидэнд туршлага бий гэж гайхуулах. Тэдний хэлснээр, ази хүүхнүүдээс борлогддоггүй байсан Монголын хацар гоо бүсгүйчүүд одоо ид моодонд орж байгаа бололтой. Монгол охидыг ийм тийм хэмээн элдвээр магтаж үйлчлүүлэгчдэдээ рекламдаж байх юм. Хэрвээ монгол охидын тоглосон садар самуун киног захиалбал, хоёроос гурван долоо хоногийн дотор гүйцэтгэхээ амлаж, төлбөрөө данс руу нь хурдан шилжүүлэхийг хүснэ. Тэр данс гэгч нь хаанахын, ямар банкных болох нь ч ойлгомжгүй. Илүү дэлгэрэнгүй мэдээлэл авахыг хүссэн үйлчлүүлэгч и-мэйл хаяг, утасны дугаараа өгөх ёстой гэнэ. Бусармаг бизнесээ нууцалж, зөвхөн өөрсдөө л тантай холбогдохыг хүсч байгаа нь тэр.
Доор нь comment буюу сэтгэгдэл гэсэн цонх байна. Үйлчлүүлэгчдийн сэтгэгдлээс үзвэл эдгээр залуус өмнө нь монгол охидыг цөөнгүй кинонд тоглуулсан нь илт.
Нэгэн эр ийм кино захиалж үзсэн тухайгаа, мөн Монголын биеэ үэнэлэгчид хямд, бас онгон охин боломжийн үнээр олоход хялбар байдаг тухай, Улаанбаатарт гаднын жуулчдад зориулсан хэд хэдэн янхны газар маягийн тансаг буудал байдгийг ч мэддэгээ сайрхан хуваалцах аж.
Энэ мэтээр садар самуун кино арилжаалдаг бохир бизнес хөөгчид Хятад, Солонгос, Японоос хальж, одоо Монголд гээд хүссэн газраа түүртэлгүй хүрч, зорьсон хэргээ төвөггүй бүтээгээд буцдаг болсон бололтой.
Сайтад байрлуулсан бичил судалгаагаар хамгийн эрэлт хэрэгцээтэй бүсгүйчүүдийн эгнээг хятад, япончууд тасархай тэргүүлсэн харагдана.
Хэдийгээр өнөөдөр монгол охидыг садар самуунд уруу татах явдал энэ чиглэлээр нэгэнт архагшсан орнуудыг бодвол харьцангуй бага байгаа ч маргааш гэхэд яаж даамжрахыг тааж хэлэх арга алга.
Камер үүрч, зургийн аппарат санжигнуулсаар Буянт-Ухаад буудаг жуулчид хаагуур, юу хийж яваад буцдагийг, тэдний хэд хэчнээн нь дээр өгүүлсэн бохир бизнест хутгалддагийг хэлэхэд бэрх.

Ж.Золоо

2005.04.13, Өнөөдөр