Энэ оны эхний гурван сарын байдлаар 350,2 мянган бод мал хорогдсон нь өнгөрсөн жилийн мөн үеийнхээс 257,2 мянгаар илүү байгаа аж. Мөн улсын нэгдсэн төсвийн нийт орлого, тусламжийн дүн 152,1 тэрбум төгрөг, нийт зарлага, эргэж төлөгдөх цэвэр зээлийн дүн 161,9 тэрбум болсон байна. Ингээд улсын нэгдсэн төсвийн нийт тэнцэл 9,8 тэрбум төгрөгийн алдагдалтай гарчээ.
Үүнээс гадна эхний улиралд хэрэглээний бараа, үйлчилгээний үнэ тарифыг 2000 онтой харьцуулахад 35,2, өнгөрсөн оны арванхоёрдугаар сарынхаас зургаан хувиар тус тус өссөн байна. Гадаад худалдааны тэнцэл 43,1 сая төгрөгийн алдагдалтай гарчээ. Нийт бараа эргэлт өнгөрсөн оны мөн үеэс 20,1 хувиар өссөнөөс экспорт 28,1 импорт 14,4 хувиар дээшилжээ. Түүнчлэн халдварт өвчнөөр өвчлөгчдийн тоо 273 хүнээр нэмэгдэж, харин бүртгэгдсэн гэмт хэрэг 899-өөр буурсан байна.

Ц.Цэвээн
2005.04.13, Өнөөдөр