Бодгаяад очихоос нь өмнө хамт сууж байсан таван даяанчийг тэнд олж уулзсан агаад тэдний хүссэний дагууд анхныхаа сургаалыг айлдсан аж.
Бурхан багш ийн айлдсан хэмээнэ Зовлон буй нь үнэн, зовлонгийн шалтгаан буй нь үнэн, зовлонгоос ангижрах нь үнэн, мөн зовлонгоос гэтэлгэх зам буй нь үнэн. Тэгээд Зовлон бий, түүнийг ойлгох хэрэгтэй. Зовлонгийн шалтгаан бий, түүнийг зайлуулах хэрэгтэй. Зовлонгоос ангижрах бий, түүнд хүрэх ёстой. Зовлонгоос гэтэлгэх зам бий, түүнийг бясалгах хэрэгтэй хэмээжээ. Дараа нь Зовлон үнэн, түүнийг ойлгож ухаарах хэрэгтэй, гэвч ойлгох юм үгүй. Зовлонгийн шалтгаан үнэн, түүнийг устгах хэрэгтэй, гэвч устгах юм үгүй. Зовлонгоос гэтлэх үнэн, түүнд хүрэх ёстой, гэвч хүрэх юм үгүй. Зовлонгоос гэтлэх зам мөр бий, түүнийг бясалгах ёстой, гэвч бясалгах юм үгүй хэмээн давтан айлджээ.
Бурхан багш энэ үгийг ийнхүү гурван янзаар гурвантаа айлдсан бөгөөд энэ бол ямар ч атугай анхны номлол нь байлаа. Энэхүү сургаалыг нь сонсоод таван даянчийн нэг үнэнийг ухамсран ойлгож, ангижралын зам мөрт хүрээд архад хэмээгч болсон гэдэг.
Хутагтын дөрвөн үнэний тухай сургаал бол Бурханы шашны бүх сургаал, бясалгалыг ойлгох үндэс болдог ба бүхний үндэс суурь мөн. Энэ талаар огт маргалтгүй бөгөөд Бурханы шашны янз бүрийн урсгал, чиглэлд хутагтын дөрвөн үнэнийг бүгдээрээ хүлээн зөвшөөрдөг билээ.

Бурхан шашины Номын хүрдэн клубтэй хамтран бэлтгэв

/Оlloo.mn/ Ж.Алт