Бурхан болон бусад гэгээрсэн мэргэд өөрөөсөө илүү өргөн мэдлэг, их энэрэлтэй язгуурын лам багштай байх нь чухал хэмээн тайлбарласан билээ. Бурханы сургаалтай учруулж, зөв зам мөрийг зааж өгөх тул лам багшийг эхэнд тавьдаг ажээ. Буддистууд ерөнхийдөө дараах 12 зүйлийг баримталдаг. Yүнд
1. Ертөнцийн тэнгэрүүд нь зуурдын нөхөр л болохоос биш тэдэнд аврал одуулах нь тусгүй юм.
2. Хүмүүн хийгээд адгуустай зүй бусаар харьцахыг тэвчих
3. Чухаг дээд гуравт үл итгэх хүнтэй үл нөхөрлөх
4. Бурханыг шавар, мод, гурил, төмөр, ер юугаар ч бүтээсэн бай бүгдийг бодитой бурхан мэтээр хүндэтгэж байх
5. Судар номыг доор газар тавих, гишгэх, урахыг цээрлэх
6. Лам хувраг хүнийг Гурван эрдэний нэг хэмээн хүндлэж байх
7. Чухаг дээд гурав буюу Гурван эрдэнийн утгыг сайтар ойлгоод дахин дахин бясалгаж байх
8. Сургаалын тус эрдмийг үргэлжид санан, тахил өргөж байх
9. Бясалгал үйлдэх бусаддаа туслан дэмжиж байх
10. Аливаа ажил үйлсийг эрхлэхдээ Гурван эрдэнэ тустайг соёрхохоос элдвийн буруу зүйлийг тэвчих
11. Аврал одуулахын тус эрдмийг үргэлжид санан өглөө, оройд бясалгал үйлдвэл сайн
12. Чухаг дээд гуравт насан туршдаа итгэн биширч ашиг тусыг нь хүртэх

Бурхан шашины Номын хүрдэн клубтэй хамтран бэлтгэв

/Оlloo.mn/ Ж.Алт