юуны түрүүнд энэ гурвыг мэдэж авахын тулд буддизмын бүх замаар замнан ахих хэрэгтэй. Буддист болохын тулд хамгийн эхлээд Би өөрчлөгдөж чадна, би сайжирч чадна. Би өөрийнхөө эерэг сайн чанарыг хөгжүүлж чадна гэсэн бодлыг өөрөө өөртөө төрүүлэх явдал юм.
Өөрийгөө сайжруулж чадна гэдэгт итгэдэггүй хүн бол бурханы шашинтан болох гэсний ч юмуу, эсвэл буддизмын ямар нэгэн ёсыг баримтлах гэсний хэрэг ч, шалтгаан ч байхгүй.
Ийм л бодол байх нь чухал, яагаад гэвэл, би сайжирч чадна, саруул ухаан, энэрэхүй сэтгэл, баяр баясгалангаа тэлж чадна, өөрийн бүх эерэг чанарыг жаахан ч биш, харин бараг хязгааргүйгээр сайжруулан хөгжүүлж чадна хэмээн ойлгосны үндсэн дээр Бурхан, ном, хувраг гуравт итгэл одуулж, аврал эрдэг. Энэ бол бурханы шашинтны үзлээр гэгээн хутгийг олж байгаа явдал юм. Будда буюу Бурхан гэдэг нь эерэг талаа сайжруулсан, урьд наснаасаа өвлөн авсан сайн чанараа туйлын түвшинд хүргэчихсэн бүстэй, бүсгүй хүнийг хэлнэ. Ийм хүнийг Будда буюу Бурхан гэнэ. Тэгэхээр бурханы шашинтан гэж өөрийгөө сайжруулж чадна, бурхан болохын төлөө үнэхээр төгөлдөр сайжирч чадна гэж итгэсэн хүнийг хэлнэ. Тийм учраас бурханы шашныг баримтлан шүтнэ гэдэг бол өөрийгөө сайжруулна гэсэн үг.

Бурхан шашины Номын хүрдэн клубтэй хамтран бэлтгэв

/Оlloo.mn/ Ж.Алт