Номыг сонсогч шавь багшийг хэрхэн хүндэтгэх тухай Бодь мөрийн зэрэг зохиолд Бурхан, ялж төгс нөхцсөнийг хэрхэн үзэх түүнчлэн болой гэсэн байдаг. Ингэхээр номыг өгүүлэгч багш нь Бурхан багшаас ялгаагүй хүндтэй нь эндээс харагдаж байна. Багшийг хүндлэн үзэхдээ Багшийн эрдмийг нь барь, гэмийг нь бүү барь, эрдмийг нь бариваас шид бүтээлийг олно, гэмийг нь баривас шид бүтээлийг үл олно хэмээжээ.
Багш хэмээх эрхэм алдрыг бурханы шашинд Гурван төрөлхтнийг мөрийн зэргээр хөтлөх буяны садан нь багш мөн болой гэж тодорхойлсон байдаг бөгөөд тэрээр шавийн эрдэм боловсрол эзэмших, билиг оюунаа төгөлдөржүүлэх, амьдралаа зөв хөтлөхөд нь туслагч нь болохоос гадна шавиа зааж байгаа номондоо сүжигтэй, энэрэхүй, нигүүлсэхүй, нүглийг тэвчин, үргэлжид буяныг үйлдэн, амьтны тусыг боддог болгон хүмүүжүүлэх зорилготой ажээ.
Бусдыг дээдийн номоор хүмүүжүүлэх нь өндөр хариуцлага учир номыг өгүүлэгч багш нь дараах арван эрдмийг өөртөө шингээсэн байх ёстой. Yүнд
1. Номхон (Өөрийн сэтгэлийг номхотгосон. Ингэснээрээ тэрээр шавьдаа үлгэр дууриал болох ажээ.) 2. Амарлингуй 3.Чухал амирлуулагч 4. Эрдмээр үлэмж 5. Хичээнгүй 6. Ишээр баялаг (Багш сэтгэлээ номхотгоод зогсохгүй билиг оюуны хувьд төгс төгөлдөр байх ёстой. Өөрөөр хэлбэл багш хүн эрдмээр шавиас дутуу буюу шавьтай тэнцэх бус харин түүнээс илүү давуу мэдлэгтэй байх ёстой.) 7. Хоосон чанарыг машид оносон 8. Өгүүлэхэд мэргэн төгс 9. Энэрэхүй мөн чанарт 10. Уйтгарыг тэвчихүй дор шүтсэн.

Бурхан шашины Номын хүрдэн клубтэй хамтран бэлтгэв

/Оlloo.mn/ Ж.Алт