Хэдий хэл, соёл, газар нутгийн хувьд ялгаатай нутаг оронд түгэн дэлгэрсэн боловч Бурханы шашны үндэс болох Гурван эрдэнэд итгэх нь Бурхан шашны нийтлэг шинжийг агуулж байв. Дээр дурьдсанчлан Бурхан шашны үндсэн хоёр ёс бий. Хинаяна буюу бага хөлгөний ёс, Махаяна буюу их хөлгөний ёс. Эндээс үндэслээд бурханы шашны гүн ухааны олон урсгал чиглэлүүд салбарлан гарсан байдаг бөгөөд эдгээр нь бүгд өөр өөрийн гэсэн онцлог шинжүүдтэйгээс гадна өөрийн оршин байгаа нутаг орныхоо зан заншил, уламжлалыг тусгасан өвөрмөц хэлбэртэй байдаг. Тухайлбал японы синто шашны уламжлал болон япончуудын амьдралын өвөрмөц хэв маягийг тусгасан зэн буддизм, хятадын таван махбодын сургаал, даосизм, күнзийн сургаалын нөлөө бүхий чан буддизм, төвдийн мэргэдийн үндэслэсэн гэлүгва, нинмава, сажэ зэрэг урсгалууд, монголын эрс тэс уур амьсгал, нүүдэлчин түмний сэтгэлгээний өвөрмөц онцлогтой монголын буддизм зэргийг дурьдаж болох юм.

Бурхан шашины Номын хүрдэн клубтэй хамтран бэлтгэв

/Оlloo.mn/ Ж.Алт