Бага үдийн үед НИК, Петровне, Магнай трейд, Алтжин, Содмонгол, Синчи-Ойл зэрэг компанийн шатахуун түгээх станцын ханшийн самбар дахь үнийг сонирхлоо. 700 төгрөгийн үнэтэй байсан АИ-93 бензиний үнийг 30 төгрөгөөр нэмж амжжээ. Харин бусад төрлийн шатахууны үнэ өөрчлөгдөөгүй буюу А-76-590, ДТ-810 төгрөгийн ханштай байлаа. Хамгийн чанартай бензин гэгддэг А-95 бензиний үнэ хөдлөөгүй ч Петровис-ынх 770, Шунхлай-д 735, Магнай трейд-ийнх 760 төгрөгийн үнэтэй.
АИ-93 бензиний ханш яагаад нэмэгдэж буй талаар шатахуун түгээх цэгийн ажилтнуудад мэдэх зүйл алга. Бид Петровне, Магнай трейд, Алтжин зэрэг компанийнхнаас бензиний үнэ нэмэгдсэн учир шалтгааныг лавлахаар утас цохьсон боловч тайлбар өгөх хүн олдсонгүй. Алтжин компанийн мэргэжилтэн Сонирхсон зүйлээ албан бичгээр ирүүл. Бид сонинд амаар мэдээлэл өгөхгүй хэмээн томорлоо. Уг нь бензиний үнэ нэмэгдсэн нь хэлж ярьж болохгүй нууц асуудал биш баймаар. Зах зээлийн дагуу өгеөж буй юм бол учир начрыг нь хэрэглэгчдэдээ ганц, хоёр өгүүлбэрээр товчхон тайлбарлахад юу нь буруудах гэж. Эсвэл утсаар хэлэхээр алдаа мадаг гарчих нь гэж болгоомжилж байгаа бол ирээд ав гэвэл бид үнэн зөв, дэлгэрэнгүй мэдээлэл авахын тулд дуртай очно.
Нефть импортлогчид яагаад хэвлэлийнхнийг хадны мангаа мэт үзэх болов. Шар, бороороо дуудуулсан олон хэвлэлд та нөхдийн хэлсэн ярьсан зарим зүйл ташаа мэдээлэгдэхийг үгүйсгэхгүй. Гэхдээ өдөр тутмын томоохон сонины сурвалжлагчид үүрэг, хариуцлагаа илүү ухамсарлаж, аливаа асуудалд нухацтай ханддаг гэдгийг хэлье. Бид нефтийн бизнесийн хүндрэл бэрхшээлтэй асуудлын талаар цөөнгүй хөндөж бичдэгийг эрхбиш мэдэх биз.
Нэгэнт нэмэгдсэн үнийн талаар тодруулахаар аль нэгэн компанид албан бичиг явуулаад хариуг нь бичгээр ирэхийг хүлээгээд суух боломжгүй. Өөрөөр хэлбэл, өдөр тутмын сонины ажил цаг хугацаатай уралддаг учраас тэр. Нефть импортлогчид өнгөрсөн долоо хоногийн сүүлээр бүгд уулзаж ярилцаж байгаад АИ-93-ын үнийг 30 төгрөгөөр өегөхөөр тохиролцсон бололтой. Шатахууны үнийн тухай мэдээлэл уншигч олон түмэңц цаг агаарын мэдээ адил ил тод хүрэх ёстой биш үү, Нөгөө талаас үнэ өсч буйг тодорхой тайлбарлаж хэлэхгүй болохоор ард түмэн улам л бухимдана, Хэрэглэгч хаан биш, боол болсон цаг юмсан уу.

И.ОТГОНЖАРГАЛ
(өнөөдөр 2005-04-15 089)