Түүний тархины бор давхарга үхжсэнээс одоо ямар ч ухаангүй, амьсгалах төдий л хүн хэвтэрт бүтэн жил гаруйн нүүр үзэж, бусдын байнгын асрамжид байгаа аж. Энэ бүхэн үүрэгт ажилдаа хариуцлагагүй хандсан эмч нарын буруутай үйл ажиллагаанаас болсон гэдэг дүгнэлтийг зохих байгууллагууд гаргасан байдаг.
Эл хэрэгт буруутгагдсан II амаржих газрын нэр бүхий гурван эмчид холбогдох хэргийг шүүх хурал өчигдөр Нийслэлийн Сүхбаатар дүүргийн шүүх дээр эхэлсэн. Шүүх хурлыг шүүгч Төгсгэрэл даргалж, шүүгч Сарантуяа, Нямсүрэн нарын бүрэлдэхүүнтэй хэлэлцсэн юм. Шүүх хурлын шинэчилсэн хэлэлцүүлгийн үсэр улсын яллагч Дэлгэрмөнх Зарим зүйлийг тодруулах шаардлагатай байгаа учраас нэмэлт мөрдөн байцаалтад буцаах саналтай байна. Тиймээс яллахаас татгалзаж байна гэснийг шүүгдэгч нарын өмгөөлөгчид бүгд дэмжсэн. Мөн хурал даргалагч Тухайн үед эмч нар албан үүргээ гүйцэтгэж байсан учраас байгууллагыг нь хариуцагчаар татах ёстой. Хохирлыг нь байгууллага нь буюу II амаржих газар гаргах ёстой. Ажлын хариуцлага алдсан байж болох бусад хүмүүсийг ч шалгах нь зүйтэй гэснээр анхан шатны шүух хурал түр завсарласан. Хэсэг хугацааны дараа шүүгчид, шийдвэрээ танилцуулсан ба эмч нарт холбоотои эл хэргийг улсын яллагчийн хүсэлтийн дагуу нэмэлт мөрдөн байцаалтад буцааж байгаагаа мэдэгдсэнээр шүүх хуря л тодорхой бус хугацаагаар хойшилсон юм.

Н.САРАНЧИМЭГ
(өдрийн сонин 2005-04-15 092)