Үүнд
1. Монгол Улсын Иргэний бүртгэлийн тухай хуульд заасны дагуу Засгийн газрын 2002 оны 214 дүгээр тогтоолоор баталсан Монгол Улсын нутаг дэвсгэрт иргэн шилжин суурьших хөдөлгөөнийг бүртгэх, мэдээлэх журам-ын 1.3-т Бүх шатны сургууль, дамжаанд суралцах болон эмчлүүлж сувилуулахаар шилжигчид хугацаа харгалзахгүйгээр түр шилжсэнд тооцно, 3.3-т Түр шилжин суурьших хэдөлгөөнийг дор дурдсан журмаар бүртгэнэ…3.3.3. Өөр аймаг, сумаас бүх шатны сургуульд суралцагчдыг сум, дүүргийн Засаг даргын Тамгын газар оршин суугаа хаягаар нь бүртгэлийн дэвтэрт бүртгэнэ гэж тус тус заасан.
2. Монгол Улсын Ерөнхийлөгчийн сонгуулийн хуулийн 17 дугаар зүйлийн 2 дахь хэсэгт Сонгогчдын нэрийн жагсаалтад түүнийг үйлдэх үед сонгуулийн тухайн хэсэгт байнга буюу түр оршин суугаа бүх сонгогчийн нэр, овог, нас, оршин суугаа газрын хаяг, иргэний паспортын болон регистрийн дугаарыг бүртгэнэ гэж заасан.
3. Дээр дурдсан журмаас үзэхэд оюутан, суралцагчид иргэний үнэмлэхийн зөрчилгүй бөгөөд оршин суугаа газрын хаягаараа дүүргийн Засаг даргын Тамгын газрын бүртгэлд орсон бол Ерөнхийлөгчийн сонгуульд оролцож, саналаа өгөх нь чөлөөтэй юм. Ер нь саналаа өгөх эсэх нь тухайн оюутан сонгогчоос өөрөөс нь шалтгаалж байгаа юм.
Сонгуулийн ерөнхий хороо 2005 оны 2 дугаар сарын 14-ний өдөр бүх аймаг, нийслэлийн дүүргийн ИТХ-ын Тэргүүлэгчдийн дарга болон аймаг, нийслэлийн Засаг дарга нарт тухайн аймаг, сум, дүүргийн сонгогчид иргэний үнэмлэх олгох, хаягийн бүртгэлийг цэгцлэх, сонгогчдын нэрийн жагсаалтыг үнэн зөв гаргуулах, сонгуульд сонгуулийн эрх бүхий иргэдээ бүрэн оролцуулах талаар хуульд заасан эрх, үүргээ хэрэгжүүлж ажиллахыг чиглэл болгосон албан бичгийг хүргүүлсэн билээ.

Оюутан залуучууд та бүхнийг сонгуульдаа идэвхитэй оролцоно байх гэдэгт итгэлтэй байна гэжээ.

Ж.Алтантуяа

/Olloo.mn/