Чухам яагаа вэ?
-Тэр ямагт элэгсэг, янаг байсан л даа. Гэтэл гэнэт Бүр ханаж цөхөхөө больчихсон юм шиг шөнө бүр сексдэх гээд байдаг болчихлоо. Би залуу хархүү биш шүү дээ Гэтэл тэр үүнийг ойлгоогүй юм шиг л шавдуулаад байх юм.
-Та одоо хэдтэй вэ?
-Би 51, эхнэр 42-той.
-Та хоёрын бэлгийн хэмнэл?
-Долоо хоногт 3 удаа.
-Үгүй ингэхэд залуу хүн бүр бас ингэж чаддаггүй шүү дээ. Сайн л байна. Тэгээд чухам юу хүсээд байгаа юм бэ?
-Би биш ээ, эхнэр л
-Тэгэхээр түүнтэй л холбоотой байх нээ.
-Эмэгтэй хүний хувьд дөч гарах эрс өөрчлөлтийн үе байдаг. Түүний биеэ авч явах, зан ааш мэтэд өөр өөрчлөлт ажиглагдах юм уу?
-Тийм шүү. Их уцаар, цухалдуу. Заримдаа учир нь ч олдохгүй охин, бид хоёр руу хашгичиж, шал дэмий юманд үглэх болсон. Оронд ороод ч ялгаагүй. Байрлал таалагдахгүй нь, эвгүй хүрч шүргэлээ гээд л. Өдий жил болчихоод эм хүнийг ч энхрийлж сурахгүй юм гэж түлхэж, бүр уйлна гээч.
-Хэдийнээс ингэх болов?
-Сар гаруйн өмнөөс. Үүнээс өмнө гадаад өнгө үзэмжиндээ онцгой анхаарч, хоол ундны дэглэм барих болсон.
-Энэ бүхэн насны онцлогтой л холбоотой болов уу? Та ямартай ч эхнэрийгээ надтай уулзуулахүй юу? гэж доктор үйлчлүүлэгчээс хүслээ
-Дараа өдөр нь Н..-ийн эхнэр Лирэв. Намхан ч тун царайлаг, бас аятайхан бие хаатай бүсгүй байв. Бариу жинс, өндөр өсгийтэй туфль өмссөн нь түүнийг бүр ч гоё болгожээ. Тэр профессорын асуулт гэлгүй өөрөө ярьж эхлэв.
-Сүүлийн үед намайг бүх юм цухалдуулах боллоо. Ажил, гэр, ер хаа ч тэр. Би өөртөө анхаарал тавьдаг л даа. Эрчүүд ч муугүй ханддаг. Харин нөхөрт маань оройн хоол нь л бэлэн байвал болох нь тэр.
-Энэ ч яахав таны үүрэг
-Та ч бас тэгж боддог юм байна. Би эмэгтэй хүн. Надад анхаарал халамж хэрэгтэй шүү дээ. Тэр яагаад үүнийг ойлгодоггүй юм бэ? Түүнтэй маргахаар тайван байгаад байхаар нь улам ч уур хүргэдэг. Бас охин 14-тэй, шилжилтийн насных болохоор үг авахаа байчихаад байгаа юм. Намайг ажилдаа ядарсан ч гэж тоохгүй шүү.
-Ажил дээр чинь уур амьсгал ямар байдаг вэ?
-Дан эмэгтэйчүүд болохоор бас хэл ам тасрахгүй ээ Ийм насандаа яг охин шиг харагддаг гээд л надад атаархдаг юм. Хэн тэдэнд саад болоод байгаа юм бэ? Гадаадад томилолтоор явуулсныхаа дараа дарга нар ч гоочлоод байх болсон.
-Гоо сайхны эмчилгээ хийлгэсэн үү?
-Өөх, харвин тануулах мэс засал хийлгэсэн.
-Нэг их таргалаагүй юм чинь ингэх хэрэг байсан юм уу?
-Миний бэлхүүс жаахан онцгүй санагдаад байсан юм л даа. Нөхөртөө юу ч хэлээгүй. Яаж өөрчлөгдсөнийг ч тэр ажиглаагүй.
-Та нөхөртэйгээ бэлгийн ажил үйлдээд сэтгэл хангалуун байдаг уу?
-Мэдээж үгүй. Тэр танд яриагүй гэж үү?
-Таны сарын тэмдгийн мөчлөг өөрчлөгдөж байна уу?
-Эл асуулт бүсгүйг нилээд цочроосон бололтой,
-Энд миний сарын тэмдэг ямар хамаатай юм бэ? Заримдаа зөрчигддөг л юм. Хоол ундтай холбоотой гэж эмэгтэйчүүдийн эмч хэлсэн. Манай нөхөр л танаас тусламж хүссэн болохоор түүнийг л эмчил гэж уцаарлангуй хэлэв.
-Үгүй дээ, танай нөхрийг эмчлэх шаардлага байхгүй. Тэр өөрийнхөө насанд тун дажгүй байгаа.
-Тэгэхээр та намайг л өвчтэй гэх гээд байгаа юм уу?
-Таны мэдрэлийн сэрэл нэмэгдчихэж. Ажил дээрээ ч, гэртээ ч байнгын хэрүүлтэй байвал цаашдаа та хүмүүстэй зүгээр харьцаж чадахаа болино. Дур тачаал нэмэгдсэн чинь ч мэдрэлийн системийн гажуудалтай холбоотой байна. Би танд тодорхой өвчин хэлэх гэсэн юм биш. Эмэгтэй хүн бүрт ийм үе
Ингээд л профессор Тумановский Л бүсгүйг эмчилж эхэлжээ. Эхлээд дааврын шинжилгээ хийлгэтэл тун сонин хариу гарав. Дааврын дэвсгэр нь хэвийн атал, канмаксын шинж тэмдэг огтхон ч ажиглагдсангүй. Тэгээд уур уцаар нь хаанаас ?
Тэр сар гаруйн өмнө бэлхүүсэндээ мэс засал хийлгэсэн. Мөн яг энэ үеэс л цухалдаж уурлах болсон.
Профессор чухамхүү энэ үзүүрээс барьж хөөсөөр Л-г чанаргүй мэс засал хийлгэсний дүнд тархины судасны түгжрэлд орсон гэсэн онош тавьжээ. Өөрөөр хэлбэл өөхний хэлтэрхий цусанд орсон гэсэн үг. Ингээд хоёр сарын турш курс эмчилгээ хийсний дүнд өвчтөн эмэгтэй илааршиж, нөхрийнхөө хамт профессор дээр ирэн талархсанаа илэрхийлсэн байна.

Бэлтгэсэн Э.Энэрэл