Дуугаар хүнийг өөртөө татах нь бий, дууны өнгө, хүч, гүн, зөөлөн аялгуу бүгд нийлж давтагдашгүй өнгө аялга үүсгэн сэрэлд нөлөөлдөг. Иймээс утасны секс албанд дандаа тийм дуу хоолойтой хүнийг ажилд авдаг.
Зарим хүн үнсэлцэж байхдаа амрагийнхаа сэтгэл хөдлөлийг тодорхойлж чаддаг, тэгэхээр бас амт мэдрэх чадвар мөн сэрлийн цэгт орно. Бэлгийн дур хүсэл нь өдөөгдсөн эмэгтэйн үнсэлтийн амт өөрчлөгдөж, онцгой болдог, энэ үед шүлсний физик-химийн бүтэц өөрчлөгдөн, даавар, нейромедиаторууд их ялгарч эхэлдэг. Энэ амт эр хүнд гайхалтай нөлөөлдөг, аман сексийн үед мөн адил байдаг.
Зарим эрэгчин амьтан эмэгчнээ хэдэн арван км-ийн цаанаас мэдэрдэг. Уг нь эр хүн хэдэн км цаанаас эмэгтэй хүнийг мэдрэх чадвартай ч харин хүний хувьд түүний үнэрлэх эрхтэн үр удмаа үргэлжлүүлэх зорилгоор ашиглагддаггүй, хэрэггүй болжээ.
Хамар дотор хамрын үзүүр ойрхон вомер гэдэг цэг байдаг, мэдээлэл түүнээс уураг тархинд очдог, тэр хамгийн хүчтэй дохио буюу амраг хайрт ойр байна гэж хариу өгдөг. Yнэртэй ус, хурц үнэр, үнэртдэг лаа зэрэг нь сексийн өдөөлтийг улам нэмэгдүүлдэг. Ялангуяа эрчүүдийн хувьд үнэрлэхүй илүү тод үүрэгтэй, ийм учраас үнэртэй ус эхний ээлжинд эрчүүдэд зориулан үйлдвэрлэгддэг.
Хараа бол мөн сэрлийн цэг. Нүцгэн бие, урлагийн бүтээл хүнд яаж нөлөөлдөг тухай бүгд мэднэ.
Амьтад дээр хийсэн туршилтаар зарим тодорхой геометрийн дүрсүүд түүний өнгө сэрэл өдөөдөг нь батлагджээ. Жишээ нь улаан өнгө сэрэл өдөөдөг учраас янхны газруудад билэг тэмдэг болжээ. Орчин үед баруунд хийж байгаа эротик шоунуудын үеэр хөх өнгө бас тийм нөлөө үзүүлдэг нь илэрчээ.
Хүний 5 мэдрэхүй бүгд сэрлийн цэг болж таарлаа. Yүн дээр кинестик анализаторыг нэмдэг. Энэ бол мэдрэмжийн хүрээ, тэр орон зайд биеийн хэсгүүдийн харилцан байршлыг тодорхойлж, сэрэл өдөөдөг. Жишээ нь эмэгтэй хүн хөлөө солбин сууж, гуяа чангалахад булчин холбоосноос импульс гардаг ба тэрээр тодорхой хэмжээний эротик цэнэг агуулсан байдаг. Энэ бол үнэндээ арьсны биш харааны цочроолт, булчин-үе мөчний мэдрэмж юм. Хүний биеийн янз бүрийн байрлал өөрөө эротик нөлөөтэй.
Олон хүн амрагийнхаа байтугай өөрийнхөө сэрлийн цэгүүдийг сайн мэддэггүй. Yүнийг эротик тоглоомуудаар нөхөж болно. Гэхдээ эхний үед амрагийн чинь дур хүсэл гэнэт оргилно гэж хүлээх хэрэггүй, мөн шинжлэх ухааны туршилт болгож хувиргаж болохгүй. Хамгийн гол нь хамтран хөдөлмөрлөж, бие биедээ сайнаар ханд.