Петтинг гэдэг нь энхрийлэх, таалах гэсэн утгатай англи үг. Энэ үг өнөөдөр нилээд хэдэн утга агуулдаг, сэтгэл зүйд болон амьдрал дээр түүнийг хурьцахгүйгээр энхрийлэх, таалах гэж ойлгодог. Харин секс судлаачид илүү тодорхой тайлбарлажээ. Петтинг бол бэлгэ эрхтнээ оруулалгүйгээр харилцан хоёул дур тавихыг хэлнэ. Хоёр тал гэдгийг учир нь хэрэв нэг талын бол гар хангалга болно, хэрэв дур тавиагүй бол энхрийлэл, харин бэлгэ эрхтэн орвол хурьцал болно.
Энхрийлж таалахыг эротик иллэг гэж бас хэлдэг, сонгодог ойлголтоор энэ нь дур тавих зорилгогүй ч түүнд их дөхүү ойлголт. Петтинг ба хурьцлын хооронд хэдэн үе шат бий. Амаар бэлгэ эрхтнийг энхрийлэхийг петтингийн онцгой хэлбэр гэж үздэг. Хэрэв бэлгэ эрхтэн үтрээнд оролгүй хэлүү болон үтрээний амсрыг өдөөж иллэг хийвэл вестибуляр хурьцал гэнэ. Хэрэв эр бэлгэ эрхтэн эмэгтэйн гуяны дотор тал, гадна бэлгэ эрхтэнг илж өдөөвөл завсрын хурьцал гэнэ. Мөн суганы, хоёр хөхний хооронд бэлгэ эрхтэнг хөдөлгөж бэлгийн харьцаанд орвол суганы буюу хөхний хурьцал гэнэ. Эдгээрийг нийтэд нь энэтхэг нэрээр нарвасадата гэдэг. Өөрөөр хэлбэл эдгээр энхрийлэл сэрлийн цэгүүдийг гараар биш бэлгэ эрхтнээр өдөөдөг. Петтинг гэж гар, хүзүү, толгой, хөх зэрэг эмэгтэйн биеийн ил харагдах хэсгийг энхрийлэхийг хэлнэ. Хэрэв зөвхөн хүзүүний бол некинг /английн нек-хүзүү гэдэг үгнээс гаралтай/ гэж нэрлэнэ. Гар үнсэх нь энгийн эелдэг ёс, харин хүзүүг илж таалах нь харьцаа гүнзгийрснийг илтгэнэ. Бэлгэ эрхтэнг илж таалахыг гүн петтинг гэнэ. Петтинг нь хосуудын бэлгийн харилцаанд байх ёстой. Амраг хосуудын харилцаа петтингээр эхэлдэг. Энэ үед жирэмслэхгүй, бэлгийн өвчин болон ДОХ халдана гэхгүй. Ийм учраас хөгжингүй олон оронд өсвөр насныхны дунд петтингийг идэвхтэй сурталчилж байна.
Ахимаг настай хүмүүсийн хувьд хос хоёрын нэг нь өвчтэй эсвэл бэлгийн харьцаанд орох боломжгүй бол түүнийг хэрэглэж болно. Жишээ нь эрэгтэйн түрүү булчирхайн үрэвсэл, эмэгтэйн өндгөвчний үрэвсэл гэх мэт. Жирэмсний хожуу үед хурьцал хийх боломжгүй үед петтинг тустай. Мөн эмэгтэй нь дур тавьдаггүй бол петтинг хийгээд үзээрэй.
Петтинг ямар нэг хортой нөлөөгүй, зарим эрдэмтэд хэт удаан петтинг хийвэл дараа нь хурьцалд ороход хүндрэлтэй гэдэг боловч энэ нь маргаантай асуудал юм. Хэрэв хос хоёрын харилцаа сайн төлөвшөөгүй, бэлгийн амьдралд бэлэн бус бол, эсвэл ямар нэг саад тотгор учирвал петтинг хийж болно.