-Итгэлээс өөр ямар ч бөх цайз
Энэ хорвоод байхгүй гэлцэх юм. Балбар гуай
Нар салхи ядаж эхнэртээ үзүүлж
Найдаж итгэж суувал яасан юм бэ?

-Салхи л авбал согоо шиг хулжчих гээд
Сандаргах юм даа. Балбар ахыг чинь
Ган тороор бөхөө шуудаг хийлгээд
Ганц түлхүүртэй цоож хийвэл мөн догио?

-Хайраас өөр ямар ч бөх цоож
Хамаг бүсгүйчүүлд тэсдэггүй гэлцэх юм
Хардаж суухаар хайрлаж суувал
Хал балгүй жаргал биш үү? Балбар гуай!

-Энэ муу өлөн дэср шиг эмийг
Эрхлүүлэх гэсээр хамаг олсноо барлаа.
Хувь заяаны эрх. Одоо яая гэхэв дээ
Хуучин хөгшнөө барааддаг ч юм билүү?

-Харин тэг тэг. Эхлээд жаахан тонгочиж
Халуун цайтай шанагаа толгойд чинь углах шахна
Хөөрхий зовж яваа амьтан гэж
Хөлийг чинь хучиж шөл хийж өгнө

-Сайхан залуу эхнэрээ яах билээ. Харамсмаар…
-Сайхан залуу эхнэр маллах гэж зовсноос
Сайн шаахай нэгтэй бай! Нутгийн ах аа!

Л. Лувсан дорж